Registers van de Hollandse grafelijkheid 1299-1345

Graaf Willem III schenkt abdis en klooster van Loosduinen al het goed dat Nicolaas Koster uit Den Haag had bezeten, op voorwaarde dat voor zijn verwanten jaargetijden zullen worden gelezen en dat het goed aan een betrouwbaar man zal worden uitgegeven.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond allen luden dat wi ghegheven hebben ende gheven in rechter aelmosenen religiosen^c luden der abbedissen^d ende den convente^e van ^f Loesdunen al dat goed dat Clais^g Costers^h was uter Haghe, beyde land ende husinghe ende al sine andere tilhave in alsulkenⁱ besitte alst^j Clais^k die Costere voerseit besat, in diere manieren dat si mire vrouwen mire zuegher jaerichtide doen zullen ewelike, ende mijns heren mijns vader ende miere vrouwen mire moeder, daer God die siele of hebben moet; ende hier bi sal dit voerseide cloester onsen dienst besetten an enen man daer wi zeker an sien ons te dienen van dien^l erve, in alre maniere alse onse goede luden ons dienen die wonen twisken Moersloet ende onser woninghe in den^m Haghe, entie selve man sel wonachtich wesen binnen desen palen voers.

Ende omme dat wi willen dat dese voerseyde dinghen vast ende ghestade bliven, so hebben wi desen brief bezeghelt met onsen zeghele uuthanghende. Dit was gedaen int jaer ons Heren alsmen scrief Sijn incarnacienⁿ M CCC ende zestiene in Dertiendaghe.