C
Graaf Willem III beleent Wouter Doedijnsz. van den Hogelande met 4 morgen land en een huis te Keten in het ambacht Capelle aan den IJssel, welk goed Abbe Jansz. hem had opgedragen.
Wouter Doedijns z. vanden Hogenlande.
De onderstaande tekst is gebaseerd op afschrift B.
Wi Willaema grave van Henegouwenb, van Hollandc etc. maken kont allen luden dat Abbe Jans sone quam voer ons ende ons opdroech die vier morghen lands ende een huys die hi van ons held legghende te Keeten in Cappel ambocht, die Daniels Brabanders waren, ende daer Jan Florijs soens land leghet an die oistzide ende Dammaes Ymmen soens land an die zuyt side, wilke vier morghen lands ende dat huys voerscreven wi verliet hebben ende verlien met desen brieve Woutere Doedijns sone van den Hoghen lande van ons in rechten leene te houden.
In orkonde desen brieve etc. Ghegheven in Middelburch des vridaghes voer sinte Symon ende Juden dach int jaer ons Heren M CCC ende twintich.
¶d Per dominum Kerstantium de Raporst.