Registers van de Hollandse grafelijkheid 1299-1345

Graaf Willem III beleent ten overstaan van enkele met name genoemde leenmannen Gijsbrecht uten Goye met het huis in Het Goy, met voorburcht en hofstede, dat deze hem in eigendom had opgedragen, welk huis voor hem altijd een open huis zal zijn; tevens beleent hij hem met de ambachten in Houten en Het Goy, met het hoge en lage gerecht.

Vgl. nr. UT 157, een eerdere uitvaardiging ten opzichte waarvan de onderstaande tekst enkele wijzigingen vertoont, alsmede nrs. UT 156, 160 en 165.

Wi Willem^b grave^c van Heynnegouwen^d etc. maken cond etc. dat wi onse huy[s ten]^e Goye mit den voirburghe ende mit der hofsteden dair thuys op staet [ten uteren] cante toe van der uterster cinghele buten der graft, dat ons Ghisebrecht^f [uyt] den Goye ghegheven ende opghedraghen heeft voir onse manne teenen vryen eyg[hen] ende ghelovet heeft te waren als een vry^g eyghen, Ghisebrechte^h voirs. ende sinenⁱ erfnamen van ons ende van onsen erfnamen graven^j van Holland^k, mit den gherechten te Houten^l ende ten Goye alsoe als si van ons roeren, verliet ende verlient hebben van ons te houdene toit eenen rechten erfliene in alle der vriheden, van hoeghen ende van laghen^m gherechten, als wise nu hebben, in diere manieren dat dit huys ten Goyeⁿ mit sinen toebehoiren voirscreven altoes onse opene huys wesen sal ende onser erfnamen grave van Holland^o, soe wilke tijd dat wijs begheren omme onse oirloghe^p jof omme onse oirbair, ende dat Ghisebrecht^q ende sine erfnamen ons dat huys rumen sullen als wijs te doene sullen hebben alse voirscreven es; ende alse wi thuys ghebesicht hebben ende wijs niet meer te doene en hebben in onsen oirloghe ende in onsen oirbair alse voirscreven es, soe sullen wi hem jof sinen erfnamen thuys voirscreven weder leveren ende sine scade ghelden diere hem ane ghedaen es, in alle den rechte ende in alle den wesene dat hijt ons leverde. Ende alle stucken sonder airchlist. Hier over waren onse trouwe manne hair Hugheman van Zevenberghen^r, hair Willem^s van Duvenvoirde, ridderen, Jan van Zassenem^t onse baliu van Zuytholland^u, Gillijs^v Boudijns sone onse baliu van Middelburch^w, Willem Jans sone onse baliu van Zierixee^x ende Jan sheren Gillijs^y sone onse rentemeister van Zuytholland^z.

In orkonde etc. Ghegheven in die Haghe op den Paisch dach int jair ons Heren M CCC drie ende dortich.