Registers van de Hollandse grafelijkheid 1299-1345

Graaf Willem IV beleent Jan de Droge met de 7 pond Hollands jaarlijks die deze met zijn toestemming heeft gekocht van Fie Gerardsdr. van Wieldrecht, non in Rijnsburg, die deze jaarrente voor de duur van haar leven had gekregen van graaf (Willem III), welke rente is op te brengen uit de pacht van 8 pond Hollands uit 20 hoeven veengrond geheten de Sprang die Fies broer Nicolaas Gerardsz. de graaf jaarlijks schuldig is; voorts bepaalt hij dat wanneer Jan niet op tijd betaald wordt door Nicolaas of de volgende pachter, de baljuw van Zuidholland voor Jan de gelden zal innen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Voor de eerdere oorkonde, genoemd in onderstaande tekst, zie nr. ZH 225.

Willem^a ..grave^b van Heynnegouwen^c etc. maken cond allen luden. Want onse lieve here ende vader, dair God die ziele of hebben moet, gaf Fyen Gherijds dochter van Wijldrecht^d, die int cloester is te Reynsburch, VII lb. Hollands^e tsyairs te hueren live, enen ouden groten Tornoys^f voir VIII d. gherekend, die hi huer bewijst hadde met sinen open brieve, die ons over ghelevert es ende ghescoert es, alle jare intenemen tote elken sinte Martijns misse inden winter^g op VIII lb. Hollands tsyairs die Clays Gherards^h sone, huer broeder, ons jairlix sculdich is op XX hoeven moersⁱ die die Spranghe heeten, die Clays voirs. van ons hout tot enen erf pachte, welke VII lb. Hollands tsyairs Jan die Droghe bi onsen wille ghecoft^j heeft tieghens Fyen voirs., ende die wi hem verliet hebben ende sinen nacomelinghen van ons ende van onsen nacomelinghen te houden ten rechten liene; ende ombieden Clayse voirs. ende sinen erfnamen dat hi Janne den Droghen voirs. ende sinen nacomelinghen die zeven pond Hollands alle jare uyt reke ende betale van dien VIII lb. Hollands tsyairs die Clays voirs. ons sculdich is van dien erf pachte van dien XX hoeven moers voirs. die men heet die Spranghe^k, tote elken sinte Martijns misse inden winter. Ende waert dat Clays voirs. of sine erfnamen Janne voirs. jof sine nacomelinghen die VII lb. Hollands tsyairs niet en betaelden op den termijne voirs. ende hi dair of in ghebreke ware of sine nacomelinghe, soe ombieden wi onsen bailiu van Zuutholland^l die nu is of namaels wesen sal dat hise uytte pande op Clayse voirs. jof op dien ghenen die die XX hoeven moers die men hiet die Spranghe voirs. besitten sal tote Jans behoef voirs. of sire nacomelinghen, sonder ander ghebot dair of van ons te hebben.

In orconde etc. Ghegheven tot Sinte^m Gheertruden bergheⁿ des woensdaghes voir onser Vrouwen dach ter lichtmisse int jair XL^o.