Registers van de Hollandse grafelijkheid 1299-1345

Graaf Willem III verpacht aan Filips, Floris, Doedijn en Raas, kinderen van heer Raas van Borsele, de 80 gemet tienden in Westkerke en Oostkerke op Borsele die hun vader had nagelaten en die zij op zijn verzoek van Gerard Alewijnsz. hebben gekocht, tegen een pacht van 38 schelling en 1 penning Hollands per jaar.

De onderstaande tekst is gebaseerd op afschrift B.

Wi Willaem grave van Henegouwen^c etc. maken cond etc. dat Philips ende Florens sheren Racen kindere van Berselen voir hem, voir^d Doedijn ende Racen haren broeders van^e onsen weghen versocht hebben ane Gheraerd Alewijns^f sone, die voirmaels onse rentemeyster was in Zeelland^g, behouden^h elken anderen sijns rechtsⁱ tachtich ghemete tienden legghende in Westkerke ende in Oistkerke^j in Berselen^k, die van haren vader verstorven waren, waer of si Gheraerde^l voers. toet onser^m behoefte hoir versoec betaelt hebben met ghereedenⁿ ghelde als si sculdich waren te doene, ende daer si Gheraerds brief of hadden die si ons ghelevert^o hebben; ende zullen hier of jaerlix te pachte gheven acht ende dertich scellinghe ende enen penning Hollands^p, ende te houden ende te besitten in alre manieren als die brief houd die bi^q wilcore van ons ende van onsen mannen van Zeelland^r daer of ghemaect ende bezeghelt es.

In orkonde etc. Ghegheven in Middelburch^s op Alreheylighen avond int jaer ons Heren M CCC ende twintich.