Registers van de Hollandse grafelijkheid 1299-1345

Graaf Willem III verkoopt aan Boudewijn van de Maalstede 96 gemet en 66 roeden ambacht in Kloetinge, welk goed deze van hem in recht leen zal houden, alsmede 3½ gemet tienden in dit ambacht, welke Boudewijn zal pachten op de voorwaarden zoals die zijn vastgelegd in een oorkonde door de graaf en de leenmannen van Zeeland.

De onderstaande tekst is gebaseerd op afschrift B.

Wi Willaem grave van Heynnegouwen^a, van Holland^b etc. maken cond allen luden dat Boudijn van der Maelstede^c jeghens ons ghecoft hevet zes ende neghentich ghemete ende zes ende zestich roeden ambochts in Cloetinghe^d van ons in rechten leene te houden, elc ghemet omme twintich scellinghe Tornois^e, wilc ambocht^f voirs. an ons verstorven was van Heynric^g Gillis^h sherenⁱ Dankerts^j ff.^k. Voirt so cofte Boudijn voirs. tyeghens ons vierdalf ghemete tienden int voirseyde ambocht van Cloetinghe, die des voirnoemds^l Heynrix^m waren, elc ghemet omme vier ende twintich scellinghe groete. Ende dese voirghenoemde scout hevet hi onsen rentemeester van Zeeland toit onser behoef vol ende al betaild, die ons dair of goede rekeninghe doen zal. Van deser voirs. tiende zal ons Boudijn voirs. jaerlix enen pacht gheven van achte penninghe Hollandsⁿ, ende houden ende besitten in alre manieren alse die brief hout die bi wilcore van ons ende van den mannen van Zeeland ghemaect ende bezeghelt es van den tienden.

In oirkonde desen brieve etc. Ghegheven tote Zeerixee^o des^p dinxendaghes na sente Nyclays^q dach int jaer ons Heren M^o CCC^o een ende twintich.