Registers van de Hollandse grafelijkheid 1299-1345

Graaf Willem III geeft abt en convent van Ter Doest, die hun uithof te Monsterhoek niet zelf kunnen uitbaten, toestemming die uithof en alle daarbij behorende goederen voor de tijd van acht jaar te verpachten, met de bepaling dat de beherende monnik aldaar een priester zal zijn die dagelijks de mis zal opdragen.

Cf. nr. ZE 235.

Wi Willaem^b grave^c van Henegouwen^d etc. maken cond allen luden dat ons ^e abt ende convent^f van den cloester der^g Does in Vlaendren^h ghetoeghet hebben dat si dat uythof ende al dat goed van Monsterhoec in Zuitbevelandⁱ selve niet bedriven noch berechten en moghen^j doen ter orbaren haers goedshuys ende haers cloesters. Daer omme so hebben wi hem gheorlovet ende orloven met dezen brieve dat si dat voers. uythof met alden lande ende goide datter toe behoert, so waer an dattet^k gheleghen es, verpachten moeghen tote haren scoensten te haren orbare ende haers goids huis tote achte jaren toe na dier tijt dat deze pacht uytghaet dien si bi onzen orlove nu verpacht hebben, die uytghaen zal te Bamisse^l naist comende; ende daer bi zo sullen si daer setten op dien uythove enen van haren moneken die priester es, die daghelix misse doen sal als hi ghestaet es ende die husinghe verware.

In orkonde dezen ^m bezegheltⁿ etc. Ghegheven te Middelburch^o des saterdaghes na sente Lucas dach inden jare van^p XXIII^o.