Registers van de Hollandse grafelijkheid 1299-1345

Graaf Willem III beleent Willem Bettenz., die in Zuidkerke tussen 38 en 40 gemet erven bezit, met het ambacht van dezelfde grootte ter plaatse, onder voorwaarde dat hij daar geen sterkte bouwt en er geen andere 'vrienden' toelaat dan er al wonen.

Vgl. nr. ZE 472. – Voor de term 'vrienden' in dit verband zie de aantekening bij nr. ZE 81.

Wi Willem^a grave van Heynegouwen^b, van Hollant^c, van Zeelant ende here van Vrieselant^d maken kont allen luden^e. Want Willem^f Betten^g sone ligghende heeft in onsen ambochte te Zuutkerke^h, dat ons ane quam van Reyngher Symoens sone sinen oem, tusken acht ende dertich ende viertich ghemete erven, zoe hebben wi Willem vorseyt om beden wille Jans shere Arnouds sone zijns zweers ghegheven tusken acht ende dertich ende viertich ghemete ambochts daer dat lant in leghet, te houdene van ons in rechte leene, in manieren dat hi noch die ghene daert met eenen rechte up comet na ziere doet ghene veste in dien ambochte maken zullen, noch ghene vriende daer in ontfaen en zullen anders dan daer nu in wonen, ten ware jof hi zijn huus ende zijn land voerseyt verhuerde jof zine bode die hiⁱ daer in zetten zoude in sine bescermte waren; zonder archlist.

In orkonden desen brieve beseghelt met onsen zeghele^j. Ghegheven tote Zerixee^k des dinxendaechs na Beloken Paeschen int jaer ons Heren M^o CCC^o zeven ende twintich.