Registers van de Hollandse grafelijkheid 1299-1345

Graaf Willem III verkoopt de helft van verschillende hem toegevallen tienden op Noord-Beveland, die alle worden opgesomd, aan zijn knaap Gillis Boudewijnsz. in pacht.

Vgl. nr. ZE 504.

Wi Willaem^a grave etc. maken cond allen luden^b dat wi van der tienden in Nortbeveland^c die ons verstorven was, alze hier nae bescreven staet: int eerste zes ghemete ende drie ende sestichstalve roede^d up die Zuutedekinghe^e die Hughen Buest waren, item zevendalf ghemet viertien roeden tienden die heren Henrix^f van Scarpenisse waren, item tien ghemete twie ende vijftich roeden tienden die verGheylen^g des Monikes waren, item zeven ende dertich^h ghemete vijf roeden tiendenⁱ die Wouter Poppen soens waren, dit coemt in somme drie ende tsestich ghemet achtien roeden tienden, vercoft hebben die helfte dair of, dat sien twien ende dortichstalf ghemet ^j neghen roeden, Gillijs Boudwijns^k sone onsen trouwen knape, ende hebbense hem verliet te besittene in allen manieren alse die brief hout die hi^l bi wilcore van ons ende van onsen mannen van Zeelland^m dair of ghemaket ende bezegheld hevetⁿ; ende hier of zal hi ons jaerlix te pachte gheven vier scellinghe tien penninghe ende enen hallinc Hollands^o.

In orkonde desen brieve bezegheld med onsen zeghele^p. Ghegheven in die Hagghe^q des dinxendaghes voir sinte Katherinen^r dach int jaer ons Heren M^o CCC^os XXVIII^o.