B
Graaf Willem III beleent Gize Dukinc, knaap en poorter van Dordrecht, met 10 pond Hollands per jaar, uit te reiken door de rentmeester van Zuidholland; voorts bepaalt hij de vererving van dit leen.
Aan het eind in de marge, door andere hand: Concordatus.
Ghise Duykinc.
Aan het eind in de marge, door andere hand: Concordatus.
Wi Willaema grave etc. maken cond etc. dat wi Ghise Duykinc, onsen knape ende poirter van Dordrechtb, omme menighen trouwen dienst die hi ons ghedaen hevet ende noch doen zal, ghegheven hebben ende gheven tien pond Hollandsc sjaers him ende sinen nachomelinghen te houden van ons ende van onsen nacomelinghen te liene, in manieren dat dese voirs. tien pond Hollandsd sjaers comen sullen na Ghisen doet voirs. op Willaeme Duykinc sinen jongheren soen, ende die zelse houden van ons in rechte leene; wair oec dat sake dat Willaemf Duykinc storve voir Ghise Duykinc sinen vader, zo souden dese voirscreven X lb. Hollandsg h comen op Ghisei Duykincs outste soen die hi liete van wittachtigher boirte, ende die soudse van ons houden in rechten leene. Wilke X lb. j sjaers voirs. wi hem bewisen jaerlix in te nemen ane onsen rentemeester van Suithollandk, wair omme wi ombieden ende ghebieden onsen rentemeester van Zuythollandl die nu es jof hier namaels wesen sal dat hi betaile ende uterecke alle jaere tote Paischen Ghise Duykinc dese voirs. X lb. sonder meer ghebot van ons dair of te hebben, ende van him nemetm ene lettre van quitantie voir ons mede te rekenen.
In oirkonde etc. Ghegheven toten Ghento des dinxendaghes na sente Baven dach int jaer ons Heren dusent drie hondert neghen ende twintich.