Registers van de Hollandse grafelijkheid 1299-1345

Graaf Willem III vermindert voor zijn lieden in Zwijndrecht, vanwege de schade die zij geleden hebben, de jaarpacht van 6 naar 3 schellingen Hollands per morgen, op voorwaarde dat zij het land weer bedijken.

Wi Willem^a ..grave^b van Heynnegouwen^c, van Holland^d ende here van Vriesland^e maken cond allen luden^f dat wi allen onsen luden in Zwindrecht^g, omme die scade die sij daer in leden hebben, ghegheven hebben ende gheven voer ons ende onse nacomelinghe al huer land dat sij daer in ligghende hebben, daer yghelike marghen of staet up ses scellinghe Hollands^h te jaerliken pachte, alse verre als sijt weder bediken ende dijc vast maken, vry ende quite ewelike te besittene van half den pachte voers., dat sien drie schellinghe Hollands van der morghen; aldus bliven op yghelike morghen staende drie scellinghe Hollandsⁱ ende nemeer^j.

In orconde desen brieve bezeghelt met onsen zeghele. Ghegheven toit Valenchijn^k tsaterdaghes na sinte Nyclays^l dach in den winter int jaer ons Heren M^o CCC^o vier ende dortich.