Registers van de Hollandse grafelijkheid 1299-1345

Graaf Willem III geeft Elburch van Uithoorn voor de duur van haar leven een jaarrente van 40 schelling Hollands uit de visserij van Amsterdam, in ruil waarvoor zij en haar broer Walich afstand hebben gedaan van de visserij van Iepesloot en de Waden, die zij eerder van bisschop Gwijde van Utrecht hadden ontvangen.

De onderstaande tekst is gebaseerd op afschrift B.

Wi Willaem^a grave^b van Heynnegouwen^c, van Holland^d etc. maken cond allen luden dat wi Elburch^e van Ute hoirne ghegheven hebben ende gheven viertich scellinghe Hollands^f sjaers also langhe als hi^g levet, ende dese renten jaerlix te horen live hebben wi hoir bewijst jaerlix intenemen toit onser Vrouwen daghe in septembre die na den oichst es^h op onse viskerie van Aemstelredammeⁱ; ende ombieden ende bevelen narenstelike onsen rentemester aldair die nu es of hier na wesen sal dat hi hoir betaile dese renten voirscreven telken onser Vrouwen daghe alse voirs. es, also langhe als si levet, van den ersten vervalle die ons verscinen zullen van onser viskerien voirs. Ende na hare doit comd dese rente voirscreven quite ende vri an ons. Ende hier bi heeft ons die voirnoemde Elburch ende Walich hoir broeder quite ghesconden alsulc goed ende viskerien als onse lieve here ende oem die biscop Ghye van Utrecht^j, dair God die ziele of hebben moet, hem ghegheven ende verleent hadde, dats te te wetene die viskerie in Yppen sloet^k ende in den Waden, dair si des biscops Ghyen brieve of hadden die si ons op ghedraghen hebben, ende es ghescoert. Ende ombieden onsen rentemester van onsen lande van Aemstel^l dat hi Elburch voirnoemd alle jare betale hoir renten ten daghe voirscreven, ende dat hi van hoir neme enen brief van kennessen, dat hier mede rekenen mach in siere rekeninghe.

In orkonde desen brieve^m etc. Ghegheven in die Haghe des dinxendaghes na meye dach int jaer ons Heren M CCC twe ende twintich.