Registers van de Hollandse grafelijkheid 1299-1345

Graaf Willem III beleent zijn knaap Otto van Haalt met een jaarrente van 25 pond Tournois uit zijn inkomsten uit het land van Naarden.

De onderstaande tekst is gebaseerd op afschrift B.

Wi Willaem^a grave^b van Heynnegouwen^c etc. maken cond etc. dat wi omme trouwen dienst die ons Otte van Haelt, onse trouwe knape, ghedaen heeft ende noch doen sal, ghegheven hebben ende gheven mit desen brieve Otten voirs. vijf en twintich pond Tornoyse^d sjaers, den groeten over sestien penning gherekent, van ons in rechten lene te houden, die wilke wi hem bewisen ende willen dat hi jaerlix hebbe te sinte Martijns^e misse in den winter^f van onsen renten uyt onsen lande van Nairden; ende ombieden onsen rentemester van Aemstelreland die nu es of hier na wesen sal dat hi van onsen weghen elkes jaers^g ten daghe voirs. uyt rekene^h ende betaile Otten voirs. die voirscreven renten van onsen goede voirscreven, sonder ander ghebot van ons te hebben, ende dair of neme sinen open briefe jeghens ons mede te rekenen.

In oerkonde etc. Ghegheven in die Haghe des satersdaghes na sente Bartelmeusⁱ dach int jaer ons Heren M CCC drie ende twintich.