Registers van de Hollandse grafelijkheid 1299-1345

Graaf Willem III, die door tussenkomst van zijn lieden een afkoopregeling heeft getroffen betreffende de keurmedigheid van Wouter Heylekijnsz. en diens met name genoemde familieleden, ontslaat hen voor 19 pond Hollands van die keurmedigheid, op voorwaarde dat zij zich niet opnieuw in onvrijheid begeven.

Willam^a ..grave etc. maken cond etc. dat wi bi heren Janne van Leyden onsen cappellaen, bi Dieric^b van der Made, Willaem^c den Cuser onsen bailiu ende rentemeister van onsen lande van Aemstelle ende bi Gherard^d Alewijns sone, onsen luden^e die wire toe ghezet hadden, hebben laten verdinghen Wouter Heylkijns sone, Ermegairden sinen wive, Gheret^f ende Alebrecht^g hore kinderen, Wouter hair soen, Aliden sinen wive, Jacob hoir kint, Vranken Wouters sone, Clemensen sinen wive, Trude Wouters dochter, Heyne Alebrechts^h sone hoir man ende Ghisebrechtⁱ ende Hille hore kinderen, van der coermiede dair si in besculdicht waren omme XIX lb. Hollands^j, dair zi ons bi onsen rentemeister voirs. ghenoch of ghedaen hebben, diere ons goede rekeninghe of doen sal^k; ende sceldense van der coermiede quite met desen^l brieve, ten sie dat si hem namaels verdieden.

In orconde etc. Ghegheven des manendaghes na sinte Martijns^m dach in den somer int jair ons Heren M° CCC°ⁿ XXXVI°.