Registers van de Hollandse grafelijkheid 1299-1345

Graaf Willem III geeft door tussenkomst van zijn lieden toestemming aan Dirk Mentenz. en Egbert zoon van Jan de Lange om de 3 morgen land in Boternesse in het ambacht Weesp, die zij al lang bezaten en die eerder van de heer van Amstel zouden zijn geweest, voor 13 pond Hollands te lossen in vrij eigendom.

Willaem ..grave van Heynnegouwen^a, van Holland^b ende here van Vriesland^c maken cond allen luden^d dat wi bi heren Janne van Leyden onsen cappellaen, bi Dieric^e van der Made^f, Willaem^g den Cuser onsen bailiu ende rentemeister van onsen lande van Aemstelle ende bi Gherard^h Alewijns sone, onsen luden die wire toe ghezet hadden, hebben laten lossen tot enen vryen eyghen Dieric Mentenⁱ sone^j ende Egghebrecht^k Jan des Langhen sone drie morghen lands ligghende in Butternesse in tambocht van Wesippe^l, die hoir ouders in vryen eyghen coften ende langhe tijd bezeten hebben, ende^m dair een segghen of was dat sheren van Aemstelle gheweest souden wesen, omme dortien pond Hollandsⁿ, dair zi ons bi den Cuser onsen rentemeister voirs. ghenoch of ghedaen hebben, dair hi ons goede rekeninghe of doen sal^o.

In orconde desen brieve bezeghelt met onsen zeghele^p. Ghegheven des manendaghes na sinte Martijns^q dach in den somer int jair ons Heren M^o CCC^o sesse ende dortich.