Registers van de Hollandse grafelijkheid 1299-1345

Graaf Willem III beleent Willem de Cuser met de 40 pond Tournois per jaar uit de tiende van de Waver die hem daartoe waren opgedragen door jonkvrouw Jutte, dochter van Floris van Jutphaas, die deze jaarrente van wijlen haar echtgenoot Jacob van der Waver in lijftocht had gekregen, die ze op zijn beurt van de graaf in leen had gehouden.

Willaem^a ..grave van Heynnegouwen^b, van Holland^c ende here van Vriesland^d maken cond allen luden dat joncvrou Jutte Florijs dochter van Judefaes, die Jacobs wijf was van der Waver, van ons helt te lijftochte die hoir Jacob voirs. ghemaict hadde viertich pond Tornoyse^e tsjaers uyt den tiende van der Waver, die Jacob van ons helt ende ons van hem verstorven es, legghende binnen desen mercken: die Prostye van Sinte Janne op die zuytside ende die heren van Sinte Marien tUtrecht op die nortside; ende want joncvrou Jutte voirscreven voir ons ghecomen es mid horen vrienden ende die lijftochte quite ghescouden hevet ende op ghedraghen voir onse manne tote Willaem des Cusers behoef, soe hebben wi Willaem^f voirs. omme meneghen dienste die hi ons ghedaen hevet ende noch doen sal den voirseyden tiende verliet van ons te houden ten rechten liene, also groet ende also cleyne alsen Jacob voirs. van ons te houden plach.

In orconde desen brieve bezeghelt mid onsen zeghele^g. Ghegheven in den Haghe des sonnen daghes na sHeylich Cruys^h dach in septembre int jair ons Heren M^o CCC^o ses ende dortich.