Registers van de Hollandse grafelijkheid 1299-1345

Albrecht van Voorne, heer van Bergen op Zoom, en zijn echtgenote Machteld beloven graaf Willem III schadeloos te houden vanwege de borgtocht die deze samen met Albrechts vader heer (Gerard) van Voorne, burggraaf van Zeeland, en de heer van Arkel voor hem is aangegaan vanwege 27½ pond oude groten Tournois jaarlijks, waarvoor de gemene stad van Bergen op Zoom zich voor hem garant heeft gesteld te Brussel en Antwerpen.

Wi Alebrecht^c van Vorne^d, here van^e Be[r]ghen^f op den Zoem, ende Machtild onse ghesellinne maken cond allen luden dat een hoech prinche ende moghende, onse^g lieve here hair Willaem^h grave van Henegouwenⁱ, van Holland^j etc., mid onsen lieven^k here ende vader den^l here van Vorne^m, burchgrave van Zeellandⁿ, ende mid onsen neve den here van Arkel ende med ons onse borghe gheworden es jeghens onse ghemeene stede van Berghen op den Zoem, dat wize quiten zullen ende scadelois houden van zeven ende twintich ponden ende een half ouder groter coninx Tornoyse^o van Vrankerike^p syaers, die si vor ons gheloift hebben te Brossele ende te Antworpen^q, dair wize jairlix van lijftochte sculdich sien; soe gheloven wi onsen lieven here den grave vors. vor ons ende vor onse erfname hem ende sinen erfnamen van diere borchto[chte] scadelois te quiten, ende verbinden dair in onse goid, zoe wair dat ghele[ghen es.]

In orkonde etc. Ghegheven in die Haghe op sinte Stephaens dach i[nt jair ons Heren M° CCC° neghen ende twintich].