Registers van de Hollandse grafelijkheid 1299-1345

Graaf Willem III geeft Bartoud van Assendelft, diens echtgenote Catharina en hun erfgenamen een jaarlijkse uitkering van 10 pond Hollands uit de tiende van Oudorp, totdat zijn schuld aan hen van 112 pond en 10 schellingen zal zijn afgelost.

Wi Willaem^b grave^c etc. maken cond etc. dat wi sculdich sijn Bartoude^d van Assendelf hondert twalf pond ende tien scellinghen Hollands^e van sijns wijfs medegave, dair ons haren^f Jan van der Wateringhe^g te borghe gheset heeft, die ons hair Jan voirs. betailt heeft, voir welc ghelt voirscreven wi hebben ghegheven ende gheven Bartoude van Assendelf voirs., Katerinen sinen wive ende horen erfnamen tien pond Hollands^h sjairs, te nemen jairlix ute onsen tiende van Outorpⁱ in Vrieseland^j toit der tijt toe dat wi hem die hondert twalf pond ende tien scellinghen voirs. betalet^k hebben jof doen betalen; ende die salmen Bartoude^l, sinen wive ende horen erfnamen gheven tote sulker tijd dat sier renten mede coepen moghen, twair^m bi hoir renten dair mede binnen jairs niet verloren en bliven. Ende die tien pond sjairs voirscreven sal Heynricⁿ heren Dierix^o sone onse rentemeester van Kenemairland^p ende van Vriesland^q, jof wie onse rentemeester dair namails wesen sal, gheven van onsen weghen Bartoude voirs. ende sinen wive jof haren erfnamen, altoes tote midzomer, ende van alsoe vele sullen wine quiten in sier eerster rekeninghe dair na.

In orkonde etc. Ghegheven des sonnendaghes^r op sente Laurens avond int jair^s ons Heren M CCC twee ende dortich.