Registers van de Hollandse grafelijkheid 1299-1345

Reinoud zoon van de graaf van Gelre verblijft de twist tussen hem en die van Lienden enerzijds en bisschop Frederik II van Utrecht en graaf Willem III anderzijds, alsmede de twist tussen hem en die van Lienden enerzijds en Walraven van Benthem, Jan van Noordeloos, Gerard van Waardenburg en Stasekijn van Brakel anderzijds, aan de uitspraak van Jan van Henegouwen, heer van Beaumont, en Hendrik van Vlaanderen, graaf van Lodi, met de bepaling dat hij aan graaf Willem een boete van 16.000 pond Tournois zal betalen wanneer hij de uitspraak niet zal naleven; als borgen treden op Reinoud zelf, heer Hendrik van Vlaanderen, heer Wouter heer van Keppel, heer Willem heer van Millen, heer Jacob van Mierlaar, heer Godfried Tengnagel, heer Frederik van der Eze, heer Jan van Doornik en heer Bernard van Doorwerth, ridders, Gerard van Baarsdonk en Otto van Avezaath, knapen, en de steden Zutphen, Nijmegen, Harderwijk en Doesburg, welke borgen de oorkonde meebezegelen.

Voor de in de tekst aangekondigde uitspraak zie nr. GE 2; vgl. voorts nrs. GE 4-6.

Wi^a Reynoud des graven soene van Ghelre maken cond allen luden etc. dat wi macht ghegheven hebben ende gheven ende ghebleven sijn van allen tuyste, broke ende eyske die wi eyskende sijn heren Vredric^b, bi der ghenaden Gods biscop van ^c Utrech, ende heren Willaem^d grave van Heynnegouwen^e etc. ende haren helpers, ende die die biscop van Utrecht ende die grave voirscreven ende haren helpers ons, dien van Lienden ende onse helpers eyskende sijn, Walraven van Benthem, Janne van der Nordeloes, Gheraerd^f van Waerdenborch, Stasekijn van Brakel ende horen helpers ons, die van Lienden ende onsen helpers weder eyskende sijn, ane segghen sheren Jans van Heynnegouwen^g, here van Beemond, ende heren Heynric here van Vlaenderen, grave van Loden; ende so wat^h her Jan ⁱ her Heynric^j voirghenoemd darof segghen zullen, dat ghelove wi voir ons, vor die^k van Lienden ende voir onse helpers trouwelike te houden. Ende waer dat sake dat hair Jan ende hair Heynric^l, segghers voirs., in enighen ponte twieden, so souden si enen overman nemen bi hare beyder wille des hem beyden ghenoechde; ende met wilc hore van hem twien dat die overman overeen droghe alse van den ponte dair si omme twieden, dat soude ghestade bliven. Ende omme dat wi ene ghestade soene hebben willen, so hebben wi gheloeft hoir segghen te houden, oec so wat si segghen; deden wi des niet, so souden wi den grave van Heynnegouwen^m ende van Hollandⁿ XVI^M lb. Tornoyse^o, den groten over XVI d. gherekent. Ende des sijn borghe voir ons: wi Reynoud van Ghelre selve, her Heynric^p van Vlandren^q, grave van Loden, her Wouter here van Keppel, her Willaem^r here van Mille, her Jacob van Mierlaer, her Godevaert Tenghenaghel, her Vredric van der Eese, hair Jan van Dornic, her Bernard^s van Dorewaerden, ridders, Gheraerd^t van Barsdonc et^u Otte van van Avesteyne^v, knapen, die stat van Suytven, die stat van Niemaghen, die stat van Harderwijc ende die stat van Doesborch, dit segghen voirscreven te houden jof die sestien dusent pond ^w Tornoyse^x voirscreven te betailen; jof dat wi Reynoud jof her Heynric van Vlaenderen^y voirs. jof twie ridders voir onser elkerlijc^z, ende wi Wouter here van Keppel, Willaem^a' van Mille, Jacob van Mierlare, Godevaert Tenghelnaghel, Vrederic^b' van der Dese^c', Jan van Dornic ende Bernard^d' van ^e' Dorewaerden, ridders, jof twie welgheboren knapen^f' voir onser elkerlijc, ende wi Gheraerd^g' van Barsdonc ende Otte van Avesate, knapen, jof een^h' welgheboren knape voir onser elkerlijc, ende wi die steden van Zuytvene, van Niemaghen, van Herder wijc ende van Doesborch voir elker stat vier scepen, souden in comen tote Woudrichem^i' te leeste in ene herberghe dair ons die grave van Heynnegouwen^j' ende van Holland^k' soude doen wisen ons selven te ^l' winnnen, ende niet van dane te sceyden eer hair segghen volcomen ware jof dat wi hem die voirs. pene verghouden^m' hadden.

Ende om die mere sekerheyde ende om bede Reynouds van Ghelre voirs. so hebben wi alle ghemeenlike die borghen sijn voirscreven dese letteren open bezeghelt met onsen zeghelen met Reynoude van Ghelre voirs. Datum ter Horst iuxta Renen^n' sabbato post Dyonisii anno M CCC XIX.