Graaf Willem III belooft heer Wouter heer van Keppel en heer Bernard van Doorwerth, ridders, dat hij hen schadeloos zal houden voor hun borgstelling voor Jan van Drongelen, knaap, die zich verplicht heeft binnen twee jaar het huis te Hemert te zullen overdragen aan heer Reinoud van Gelre.
Dat huys te Hamert.
Vgl. het volgende nr. GE 28.
Wi Willaem grave van Henegouwena etc. maken cond allen luden. Want hair Wouter, die here van Keppel, ende hair Baernaerd van Doerwaerde, onse trouwe ridderen, borghe worden sien voir Jan van Dronghel, onse knape, yeghens enen edelen man onsen lieven neve heren Reynoude van Ghelre, alse dat Jan voirseyt op leveren zal dat huys te Hamaert onsen neve heren Reynoude voirscreven of den ghenen die in sine stede es, ten twien jaren nae desen daghe van huden naist comende, sonder enich vertrech dair na, zoe hebben wi ghelovet voir Janne voirs. heren Woutere ende heren Baernaerd voirscreven scadelois dair of te quiten, sonder archlist.
In oirconde etc. Ghegheven tote Zente Gheerden berghe des zaterdaghes voir zente Symon ende Juden dach int jair ons Heren M CCC vive ende twintich.
Per dominum comitem, Mathiam et Willelmum camerlinc.