Registers van de Hollandse grafelijkheid 1299-1345

Nous Guillaumes^f coens de Haynnau^g, de Hollande^h, de Zellandeⁱ et sires de Frise faisons savoir a tous chiaus qui ches presentes lettres veront u oront que comme nous chieres sires et peres mesires Jehans de Advesnes^j, jadis coens et sires des paijs dessus dis, dont Dieus ait lame, eut calengiet, debatut et demandeit as religieus^k hommes labeit et le couvent de nostre Dame de Vicongne^l le justice dedens le^m clos de labeye et trois corouwésⁿ en III cours de le ditte eglize, cest a zavoir une corouwee de leur court de Tilloy, une autre coreuwee de leur court de Maisnil^o et une ^p corouwee de leur court de Curgies, sans avoir lassentement de lui; cest asavoir de Maugreit^q et de toutes les^r apendanches entiers en priés^s et en yauwes^t, en rentes, en justices hautes et basses et en autres^u droitures, ensi comme lidit religieus le avoient aucquis au fil monsigneur Willaumi^v de Blecki; item de vint et chiunc^w bonniers de terre pau plus pau mains, gisans ou tieroit et ou sairt de Chierve^x, que preit^y que tiere^z, les quels Liones^a' de Chierve^b' leur avoit donnei pour Diu et en aumosne^c'; item des tieres, rentes et autres droitures quil avoient acquis a Jehan dIreconwes^d', chevalier, devens le pourchainte et le chairt^e' de Chierve^f', pour frans alueth^g'; item dun mollin et dun tordoir de Norfville^h' et de toutes les^i' apendanches dou^j' dit moullin, qui siet ou tieroit^k' de Sierve^l'; item de le mayson de piere qui fu Hallet, et de le rente qui fu sour le maison Huon Pincanet, seant ou markiet de Chierve^m'; item de le terre quil avoient acquisé a Cabbellau dou Gaerdin^n', de quoi li une partie est enclossé dedens leur court de Biaumont; item de sijes^o' journéijes de bos pau plus pau mains, séans ou grant saert viers Melin, quil avoient acquis a Jehan de le Loe, et de chou ausi quil avoient ajousté a leur vivier^p' de les^q' Tilloy aukune partie vetire^r' u il devoit avoir terrage u autre droiture et pour le voie abatue en leur tiere de Tilloy; et nous aussi de no tamps euwissiens enpeechies les dis religieus^s', par quoi il ne pooient paisivlement goir des coses dessus dittes^t'. Et li dit religieus nous aient fait requerre et suplijer humilement par maintes fois que pour lamour de Dieu et pour le salut de no ame et de des ames de nos ancesseurs et de nous successeurs les vausissiens porter pasivles des coses dessus dittes, et se aucune cose y avoit qui ne fust fait souffissamient es dites coses en quel lui que che fuist, que nous pour oster toutes doutanches que avenier poroient leur volsissiens^u' pour plus grant seurtei confirmer^v' et amortir, par quoi il peuissent plus^w' paisivllement entendre au siervice nostre Signeur. Sour cou^x' nous Guillaumes^y' dessus dis en boin consel et diligent deliberation par nous et par chiaus de no Consel, pour lamour et le^z' devotion que nous avons en le ditte eglize et es^a'' persones de le dite eglize, speciaument a le persone de ^b'' chier amei Godefroi^c'', honnerable abbei de leglize devant ditte, qui pais et trankilitei nous desirons, et pour chou aussi que nous, no hoir et no successeur^d'' soijons parconnier de tous les biens que on^e'' fait et fera dore en avant en le ditte eglise, avoeck le remuneration souffissans que nous en avons, en volons, otrions et recognissons que li dit religieus aient et doivent avoir toutes^f'' justices hautes et basses ou cours de leur ditte eglize de Vicongne^g'', tout aussi avant que li enclos se porte juskes au liu^h'' con dist les Lizes^i'', et quinse pies outre les Liches^j'' ou kemijn^k'' qui sen va au Pourchelet^l''. Item que de nule des trois cours devant nommees li dit religieus pour les dittes cours ne doivvent ne sont tenut de paijer corouwés nulles a nous, a nos hoirs ne a nous successeurs apries nous, anscois^m'' les afrankissons et quittons pour nous, pour nous hoirs et pour nous successeurs a tous jours de tous siervagis^n'' de corouwees. Item que tous les aqueis devant dis, cest a savoir liretaige^o'' de Maugreit et toutes les pendanches en terre, en pres, en euwes^p'', en justices hautes et basses, et en toutes autres droitures ainsi^q'' comme il acquisent^r'' au fil monsigneur Willaume de Bleki^s'', li queil^t'' nous leur avons rendu et restauli^u'' et mis en main tout entirement pour tenir a tous jours pasivlement et frankement, sans siervice de feif ou de autre siervage, que ille tiegnent a tous jours comme leur boin heritaige^v'' acquis bien et a loy, sans calenge de nous ne de nos hoirs ou successeurs apries nous, sauf chou que li devans dis Godefrois, abbés^w'' de le ditte eglize, doit avoir et recevoir^x'' tout le cours de se vie les fruis et les pourfis dou dit heretaige, en quelconkes estat kil^y'' soit. Item que il tiegnent aussi les vint et chuinch^z'' bonniers de tiere acquis a Wistasse^a''' Kanivet, signeur dou Rues^b''' et de Trasegnies, pour franch aluet, gisans ou terroit^c''' dIreconwees^d'''. Item toutes les terres, les rentes et les autres droitures acquises a Jehan dIreconwees^e''', chevalier, pour franch alueth^f''', dedens le pourchainte et le sard de Chierve^g''' que li dit religieus tiegnent a tous jours, mais sans calenge et sans debat de nous et de nos hoirs et de nous successeurs, comme leur propre franch aluet. Item volons et otrions que les vint et trois bonniers de tiere ^h''' devant dis pau plus pau mains, que preit que tiere, gisans ou sart et ou terroit dou sart de Chierve^i''', ke Lyones ^j''' de Chierve^k''' leur donus pour Dieu et en aumosne^l''', les tiegnent a tous jours, mais comme leur boin hiretaige et bien acquis, aussi comme illes avoient tenus devant les debas dessus dis. Item que il tiegnent aussi a tous jours paisivlement et sans debat de nous, de nos hoirs et de nous successeurs le moulin et le tourdoir de Noefville^m''', seans ou tieroit de Chierve^n''', et toutes les^o''' apendanches^p''', et le maison de piere qui fu hallet, et le rente sour le maison qui fu Huon Pinchesnet^q''', seans^r''' sus le markiet de Chierve^s'''. Item le terre acquisé a Cabelau, les sijes^t''' bonniers de bos devant dis acquis a Jehan de le Loe, gisans ou grant sart viers Melin, toute le terre qui est enclosé en leur vivier de les Tilloy pour leur boin heritaige et bien acquis et paisulement a tous jours. Et amortissens^u''' et^v''' confremons^w''' a yaus^x''' et a leur eglize desus ditte tous les biens, les possesions es coses dessus dites, et quitons as dis religieus, ^y''' a yaus et a leur ditte eglize tous jours perpetuelment pour nous, pour nos hoirs et pour nous successeurs tous les debas, demandes, calenges, actions, obligacions et toutes autres droitures qui nous, no hoir ou successeur poriens avoir es coses devant dittes, et leur donnons pour Diu et en aumosne^z''', et promettons^a in boine foy pour nous et pour nos hoirs et pour nous successeurs que jamais riens ne demanderons, procurrons ne demander ferons es coses devant dites par nous ne par autrui^b, ne reclamerons nul droit. Item leur confirmons nous toutes les justices hautes et basses que li ditte eglize a ou bos de Triech en le ville et en tout le tieroit de Erinc^c, et en toutes les apertenances et es terres que elle acquist par escange a monsigneur Thieri^{d e} dou Roels^f et a monsigneur Wistasse Kanivet sen frere, signeur dou Ruels et dou Trich, aussi comme il est plus plainnement contenu par parties en le confirmacion^g de no dit chier signeur et pere, et que elle a aussi en chuinc^h avunsⁱ de terre qui seent ou terroit de^j Ruet, que jadis furent^k Huon de^l Ruet, et que elle a aussi en le court de Bouvegnoeles^m, que siet ou terroit de Doisnaigⁿ, ensi comme il est plus plannement^o contenu en le lettre^p de no dit chier signeur et pere devant dit, et que elle a aussi en vint bonniers et demi de bos^q pau plus pau mains, acquises par escange a monsigneur Bauduin dAvesnes, signeur dou Biaumont, tenans a le voie Hauwee, et generaument toutes les coses de quoi li ditte eglize est cartree de no dit chier signeur et pere monsigeur Jehan de Advesnes^r, cui Dius absoille. Et se nous aviens usei u fait en toutes, si volons nous que ce soit de nulle value ne que ne porte prejudisse a leglize devant ditte. Et toutes ches biens dessus dis et expriessés: dons, aumosnes^s, acqués^t, accas^u, escanges, justices et toutes les lettres sour chou faites nous leur confrimons^v et amortissons a tous jours, sans calenge quant en nous est; et promettons^w en boine foy et a chou obligons nous et nous hoirs que nous ches biens leur warandirons commes sires souverains^x de le terre pour nous, pour nos hoirs et pour nos successeurs a tous jours, mais sauve^y le zignerie et le souverainnieté^z de no conté devant dite. Encore recongnissons nous aussi que les coses devant dites nous avons fait bien et souffisaument par le consal et en le presense de nostre chier oncle monsigneur Guyon, par le grace de Dieu evesque dUtreit^a', ^b' nous chiers foyaules hommes de fief chi apries nommés, cest asavoir Jehan dit Sausset, signeur de Boussoit, Godefroi^c' signeur de Naste^d', Watier^e' de Hennin^f', signeur de Quinchi^g', Thieri^h' dou Casteler, signeur de Biellaing^i', Gillion de Roisin^j', signeur de le Fosse, Jehan^k' dit Willam^l' de Saint^m' Yllayre^n', chevaliers, maistres Jehans^o' de Haynire, maistre Jehan^p' de Florence, Jakemon de Maubuege, clers, et Jehan^q' Biernier^r', a che jour no recheveur de Haynnau^s'.

Et pour chou ke toutes les coses devant dites et cheskunes delles soijent a tous jours sans violenche tenues, waerdés, firmes et estables, zi avons nous Guillaumes^t' coens de Haynnau^u', de Hollande^v', de Zelande^w' et zires de Frize^x' dessus dis donnés as devant dis abbei et couvent de le ditte eglize de Vicongne ces presentes lettres saielees de no propre sayel en cognissance de seurtei; si prions et requerons a no chier et amei oncle monsigneur Guyon, par le grace de Dieu eveske dUtreit^y', et mandons et commandons a tous nos devantdis hommes de fief qui^z' seaus ont et ki requis en seront que des coses desus dittes il doinsent^a'' as desus dis abei et couvent leur leares^b'' saielees de leur propres sayaus en tiesmoingnage et en cognissance de veritei. Toutes coses desus dites en le maniere que par^c'' deseure est contenut furent faites et acordés en no salle a Valenchinens^d'' en lan de grasce mil trois cens et seze ans^e'', le prochain diemence apres le jour de le fieste saint Remy^f'', trois jours ou mois de octembre, au matin.