Registers van de Hollandse grafelijkheid 1299-1345

Graaf Willem III bekrachtigt, om een einde te maken aan zijn geschil met de provoost, gezworenen en burgers van Tournai, de verkoop door Hugo van Châtillon, graaf van Saint-Pol en heer van Avesnes, diens echtgenote Beatrijs, gravin van Saint-Pol en Guise, en Jacob van Châtillon, ridder, broer van Hugo, eertijds gedaan aan Willem van Castargne en Jean le Plat, burgers van Tournai, voor henzelf en voor de stad, van een aantal nader omschreven goederen, welke in opdracht van de verkopers waren uitgemeten door Jan van Nouvion, ridder; voorts geeft hij de kooplieden die het feest van Tournai bezoeken vrijgeleide in zijn land.

De onderstaande tekst is gebaseerd op afschrift B.

Nous Guillaumes^a cuens de Heynnau^b, de Hollande^c, de Zeellande et sires de Frize^d a tous chiaus ki ces presentes lettres veront u oront, salut et connissance de veriteit. Comme haus et poissans princes Hues de Castillon^e, cuens de Saint^f Pol et zires de Advesnes^g, et Beatris^h se femme, contesse de Saintⁱ Pol et Guis^j, et Jakemes dit de Castillon, chevalier, audit frere conte de Saint^k Pol, euwissent et aient vendut et otriet de temps passeit et clameit quite a tous jours heritaullement a Willaume^l Castargne et a Jehan le Plat, jadis burgois de Tournai^m, pourⁿ yauls et pour le toutte le comuniteit de Tournay^o, le ville des Causfors^p et contre le zignourie haute et basse de le dite ville des Causfours^q, et tout chou entirement que il i avoient et avoir pooient en le drote^r ville des Causfours^s, et en le scevinage de cel meisme liu, si avant com il sestent^t et as lain et a Warchine^u, en quelconques manier que il leur fust venut u peuwist venir; item tout le droit que il avoient et avoir pooient ou^v Bos de Breuse, si avant com il sestent jusques^w a le planke dAugi^x, en quelconques maniere que che fust; item comme mesires Jakes^y de Saint^z Pol dou consentement de ses freres eust et ait vendut, ^a' quitet et^b' clamet a tous jours heritaulement as dis Willaume^c' et Jehan^d' a comingoie tout le bos que on dist Estriens^e' et tout chou que il ^f' avoit ou dit bos fust en justice, en signurie ou autre maniere tenant au Bos de Breuse, en quelconques maniere qui lui fust venut u peuwist venir; item comme Jehans de Nouvion, chevaliers, estauvlés^g' de par les devant dis vendeurs pour livrer^h' bon suor^i' et seurer le justice des Causfors^j' et tous les vendages devant dis, euwist assi^k' ses bousnes^l' en chirtains lius^m', cest asavoir de le bousne ki siet sour Escaut^n', encontre le Maisich^o' droit aligné juskes^p' a le bousne^q' qui siet desseure Grant fosseit, et cheli bosne ki siet sour le piere de Sour, le piere de Himant^r' u al de cheli bosne a le bousne ki siet a laitre les dou piere au liu con dist a Lembus, et de celi bousne droit alingné jusques a une autre bousne qui siet a lEspinne^s' poilleuse^t' sour le piere de Mons, et de celi bousne tout ensi que li dismaiges et li cens Diu et zaint Marie sestendent^u', et tout ensi que les bousnes gisent jusques^v' a unne bousne qui siet sour le piere de Ligni^w', et de celi bousne tout ensi quil est bousnet jusques^x' a unne^y' bousne qui siet dalers^z' le maison Wautier^a'' de Havinnes^b'', et de celi bousne toute lescluze, avont^c'' jusques ou herbe^d'', prees, toute hierbe, pree ensi com il est bousnet jusques au kaisne^e'' de Houde^f'' con pariel, et de celi bousne ki siet a celui kaisne tous les sars parmi les bousnes qui sient sour le piere^g'' ki va a Houmines^h'', tout ensi que les bousnes sont assises jusques a le bousne qui siet au rieu^i'' de Maunis, et de celi bousne tout ensi qui li rieus va jusques a unne autre bousne qui siet ou piet contre le couroil, et de celi bousne a unne autre bousne qui siet a frosne^j'' de Monregres, et de celi bousne a unne autre bousne qui siet a vivier Tamines^k'' de Landimont, et de celi bousne a unne autre bousne qui siet au vivier tenant dou bos, et de celi bousne qui siet encontre le^l'' bos tenant au Bos Saint^m'' Martijn^n'', et de celi bousne a unne autre bosne qui siet tenant a le planque dAugi^o'', et de la conques^p'' les bousnes qui sient entre les terres et les prees dusques au vivier ki siet desure le maison ki fu Grigoyre^q'' de Mande, et de la a une bousne ki siet ens es prés desous, et de celi bousne a unne bousne ki siet sour un vivier ki est Jehan^r'' de Crespin, et de la tout ensi que les bousnes se portent jusques^s'' a le bousne qui siet sour lescluse dune honne^t'' Stapper^u'' de Bussencourt^v'', et de celi bousne tout ensi ke les autres bousnes gisent, et tout ensi ke li rieus se porte jusques as bousnes^w'' qui stent au ponchiel^x'', et de la tout le rieu si com^y'' il keurt jusques a lEscaut; et sour ces accas, acqués, vendages^z'' et bousnaiges debas fust entre nous dune part et les prevos^a''', les^b''' jurés et le comunité^c''' de le ville de Tournay dessus dis dautre part, sour^d''' cou que^e''' il avoient les dis accas fais et acqués, et fait mettre et assuoir^f''' les dites bousnes es dis lius en prejudice de nous, si com nous disiemes^g''' les devant dis le prevos^h''' et^i''' jurés pour yauls et pour le communiteit de Tournay^j''', disans et proposons au contraire et que bien et soufficiament avoient fait et a droit les dis aqués et accas et les bousnes mises et fait mettre drocs^k''' wement^l''' et mourt, dautres occaisons^m''' proposoient pour les quels il maintenoient que cou estoit leur drois, si comme ces coses dessus dites^n''' sont plus plainnement contenues es lettres faites et donnés au ciaus de le ville de Tournay^o''' des vendeurs desseure dis; nous pour tous debas oster, pour pais et pour acourt nourrir^p''' entre^q''' nous et chiaus de Tournay tous les devant dis accas et aqués^r''' entirement que il ont fais en le maniere que dit est as vendeurs desseure dis, et les bousnes^s''' mises et assisses par monsieur Jehan^t''' de Nouvion^u''' dessus dit u de sen commandement, en le maniere quil est plus expressement contenut es dites lettres sour cou faites, donnés a chiaus de le ville de Tornay^v''', loons, greons et avons renonchiet et renonchons par no savement^w''' a tout le droit ke nous y avons, poons u devons avoir, en quel maniere no por quelconques^x''' coze ke euiist, que ce soit sancem et^y''' amens et a toute exceptions^z''' faite, et de droit^a par quoy nous porions^b venier encontre, et le quitons pour nous, pour nos hoirs et pour nos successeurs et pour chiaus ki y aroient, poroient^c u digneroient^d avoir cause de nous as dis prevos, jurés a le communteit de le dite ville de Tournay, et promettons^e par no sairement tenir, waerder et aemplir conduire et faire porter paissiulle a tous jours contre les coses devant dites et^f ceskunne delles, de nous, de nos hoirs et de nos susseseurs et de tous entre qui leur enpecheroient^g les cozes deseure dites pour nous et^h pourⁱ nos hoirs et pour nos sucesseurs, et de ciertainne fianche^j contre les coses dessus dites et ceskune delles ratefions^k, approvons et confremons^l come sires souvrains de le terre et dou paijs de le contei de Heynnau^m. Et volons et otrions as prevos et as jurés deseure dis pour yaus et pour le communité de Tournayⁿ que tout marcheant, quelque il soient, et leur avoir^o alant, venant, a le fieste de Tournay^p puissent paissiulement aler et passer durant^q le dite fieste et le paiement de le ditte fieste par contre no terre qui est de no demainne^r huers^s de franke ville, sans arester et zans enpechement nul, se on ne les poursuit^t de vilain fait, en paiant les paiaiges acoustaimés^u des lius et en wardant les frankises des boinnes villes^v; volons aussi et otrions que se les biestes^w de bourgois de Tournay^x u de leur manans qui seroient^y prises en ankir^z damaige en le terre ki est de^a' no demainne, soient recreuwes parmi boin waige, et li waige rendut parmi le demaege^b' paiant.

Toutes ces coses et ceskune delles prommettons nous et avons enconvent et tenir firmement et aemplir par no sairement, et en obligons nous nos biens, nos hoirs, nos successeurs et tous ciaus qui aroient u avoir poroient causse de nos u de nos successeurs. En tiesmoinaige desquelles coses nous avons ces presentes lettres fait sayeeler^c' de no proppre zaiel. Qui furent faites et donnés en lan de grasse mil trois cens et seze, le semedi apres le fieste dou jour sant Liber.