Registers van de Hollandse grafelijkheid 1299-1345

Graaf Willem III geeft zijn armborstschutter Gillard een nader omschreven stuk land van 2 roeden van 40 voet, waarmee deze voortaan burger van Ath is, en waarvoor deze hem jaarlijks 2 setier haver en 12 witte penning zal betalen.

De onderstaande tekst is gebaseerd op afschrift B.

Guillaumes^a cuens de Haynau, de Hollande, de Zeellande et zires de Frize^b faisons savoir a tous ke nous avons donneit et donnons a Gillairt, no arbellestrier, pour le boin siervice et loyal ke il nous a fait et ke nous entendons avoir de lui, deus verges^c de terre de quarante piés a lui et a sen hoir a tous jours hiretaulement, tenant a le cauchie dAth dune pairt et dautre part tenant as fossés dou castiel dAth et a le maison Aernoul^d Daubiert; mes pour le quelle piche^e de terre devant dite li dis Gillars est et doit iestre doreenavant no bourgois dAth parmi deus stiers davaine et douze deniers blans, quil nous^f en doit rendre cascun an au tierme dou Noel. Et celi pieche de tiere nous li avons enconvent a conduire et a warandir et a faire porter comme sires pasivle encontre tous chiaus ki aucune coze voroient dire u faire encontre, u ki aucune empoechement voroient mettre.

Per le tiesmoing de ces lettres saielés de no zeel. Ki furent faites et donnés lan de grace mil trois cens vint, le diemenche prochain apreis le jour zaint Jehan^g decollassé.