Registers van de Hollandse grafelijkheid 1299-1345

Graaf Willem III bevestigt de bij oorkonde verrichte tijdelijke overdracht door abt en convent van Sint Pieters te Gent van de hoven van Douchy en Punage aan enkele met name genoemde Lombarden van Valenciennes, durende totdat dezen geheel betaald zijn, en beveelt zijn ambtsdragers en onderzaten die Lombarden niet in dat bezit te hinderen.

De onderstaande tekst is gebaseerd op afschrift B.

Guillaumes^a cuens de Haynnau^b, de Hollande, de Zeellande^c et sires de Frize^d faisons zavoir a tous ke nous avons enconvent a Oubiers de Montemain, Danies de Le Rocke, Berard^e de Crozie^f de Hauteville^{g h} de Valenchiennesⁱ, u a celi qui ces lettres ara, peratenir et aemplir les lettres quil ont de religieus hommes et discreis labet et le couvent de Saint^j Piere de Gant del ordene saint Henoit^k, sour les cours de Douchi et de Punnage^l et les apartenances, ensi comme il est plus plainnement contenus ens es lettres sour chou faites, les queles nous avons confirmés a le requeste labet et le couvent dessus nommés. Encore volons et comandons que li dis Lombaers^m goessent et possesissent les dites cours et les apartenances tant et si longhement quil soient plainnement sols et paijés des toutes les convenches des ditesⁿ lettres et de cascune delles, sans faire arriest u saisinne u damaige diaus apresser u faire presser u de don donner, en quelconques maniere que ce soit, par nous, ^o par no bailliu, provous, castelains, sergans u par autre personne de^p par nous; et mandons et commandons a no bailliu, prouvois^q, castelains, sergans et a tous nos subgijs de no conteit de Haynnau^r que il facent et laissent paisivlement goir as Lombars tous les biens et les revenues des cours dessus dites^s, sans nul tant et si longhement quil soient sols et paijés, ensi comme dit est.

Per tiesmoing etc. Donnés a Bruxelle^t le joedy apres le jour saint Mathieu en lan mil trois cens et^u XIX^o.