Registers van de Hollandse grafelijkheid 1299-1345

Graaf Willem III bevestigt de schenking van een lijftocht door Gerard van Heemskerk, ridder, aan diens echtgenote vrouwe Beatrijs Willemsdr. van Haarlem, bestaande uit een jaarrente van 50 pond Hollands uit het schot van Aalsmeer, die Gerard van hem in leen houdt; voorts regelt hij de vererving van dit leen.

De onderstaande tekst is gebaseerd op afschrift B.

Wi Willaem grave van Henegouwen^e etc. maken cont etc. dat voer ons quam heer Gheraerd van Eemskerke, ridder, onse trouwe man, ende makede met sire hand veren Byatrisen^f Willaems dochter van Haerlaem, sinen wive, te rechter lijftochte vijftich pond Hollands^g sjaers, die haer Gheraerd^h voernoemd van ons hout in scot van Aelsmaer elcs sjaers, wilke vijftich pond sjaers wi deser veren Beatrisenⁱ hebben verliet van ons te houden te rechter lijftochte in sulke manieren als hier na volghet, dat es te verstane dat die ouste sone^j de haer Gheraerd^k voers. wint bi veren Beatrisen^l voers. sal diere voerseyder renten ghebruken na der moeder doet in alle diere manieren dat se haer Gheret voers. van ons hout^m.

Ende omme dat wi willen dat deser voerseyder vrouwen dit vaste ende ghestade worde ghehouden sonder verbrec, so hebben wi hare dese lettere ghegheven bezeghelt mit onsen zeghele ende met des voerseyden heren Gherets zeghele van Heemskerke uyt hanghenden. Ghegheven tote Haerlaem des dinxendaghes na sinte Bartholomeus daghe int jaer ons Heren M CCC ende twintich.