Registers van de Hollandse grafelijkheid 1299-1345

Graaf Willem III bevestigt de schenking door Bartoud van Assendelft aan diens echtgenote Catharina Dirksdr. van den Wale van een lijftocht van 15 pond Hollands jaarlijks uit het ambacht Assendelft, evenals, indien nodig, van de aanvullende lijftocht uit 28 garst land in Assendelft die haar geschonken is door Bartouds vader Gerard van Assendelft, welke goederen Bartoud respectievelijk Gerard van hem in leen houden.

De onderstaande tekst is gebaseerd op afschrift B.

Wi Willaem grave^b etc. maken cond etc.^c dat voir ons quam Boirtoud^d van Aspendelf ende maecte mit onser hand Katerinen^e sinen wive Dierix^f dochter van den Wale te hore rechte lijftocht vijftien pond Hollands^g ghelds tsaers^h die hi hoir jarlix bewijst in tenemen uyt sinen ambocht van Aspendelf, dat hi van ons hout te lene, in manieren wair dat sake dat hoir yet ghebrake van hore lijftocht voirscreven an den voirnoemden ambochte, so heeft hoir Gheridⁱ van Aspendelf sijn vader te hore lijftocht ghemake^j mit onser hand dat ghebrec jaerlix in te nemen op achte ende twintich ^k ghers lands^l, die Gherid^m voirnoemdⁿ van ons hout te lene, die gheleghen sien in Aspendelf, streckende van den veen slote toit den kaedijc ende dwers van Veren Aven slote an Vranken were; ende dese lijftocht alse voirscreven es hebben wi hoir verliet ende verlien na sede ende woente van onsen lande.

In orkonde etc. Ghegheven toit Egmonde des sonnendaghes na sente Jans dach uyt ghaende oiste int jaer ons Heren M CCC^o drie ende twintich^o.