Registers van de Hollandse grafelijkheid 1299-1345

Graaf Willem III verkoopt aan Jacob van Bakenesse een half land in Schoten en 3 morgen land in het broek bij Lisse in vrij eigendom, voor 220 pond Hollands.

Wi Willem^a grave etc. maken cont allen luden dat wi bi Janne den Keyser, onsen rentemeester van Kenemaerland^b ende van Vrieseland^c, vercoft hebben Jacob van Bakenesse een half land tote Scoten ende III morghen lands in den broeke after Lis^d in vryen eyghen, die ons ane quamen van Janne uter Spinde diese van ons te lene helt, omme twie hondert ende twintich lb. Hollands^e, daer hi onsen rentemeester vors. of voldaen hevet, wilc half land tote Scoten gheleghen es binnen desen marken: an die noertzide Pieters land van Roelland ende Arnouds Swilden, an die zuytzide meester Symons land dat Willem^f Haghen was, ende toestende streckende te halven vene. Ende waer dat sake dat wi Jacob vorseyt dit vorscreven land niet ene warenden^g als recht es, ende Jan vors. niet^hweder te lande eneⁱ quame, zoe beloven wi Jacob van Bakenisse^j vors. dat wi hem genoech doen zullen van zulken ghelde als hier of ghegheven^k hevet.

In orconde etc. Ghegheven in den Haghe^l des woensdaghes nae sente Matheus dach in anno XXIIII^o.