Registers van de Hollandse grafelijkheid 1299-1345

Graaf Willem III bevestigt de schenking door Jan Persijn de oude aan diens echtgenote jonkvrouw Aleid van een lijftocht het huis en het land bij de Haarlemmerhout dat deze van hem in leen houdt, met de bepaling dat wanneer Jan zonder mannelijke nakomeling overlijdt het op hun oudste dochter vererfbaar zal zijn als recht leen.

Wi Willaem^b grave etc. maken cont etc. dat voir ons quam Jan Persijn^c die oude ende maecte met onser hand joncvrouwe Alijd, zine wive, te hore rechter lijftocht zijn huus anden Houte bi onser porte van Haerlaem^d ende al dat land dat bi de huse leghet binnen den parric alzo alse hijt van ons te lene houd; ende dese lijftocht voirs. hebben wi joncvrouwe Alijd voirnoemt verliet ende verlien na zede ende woente van onsen lande. Noch hebben wi Janne Persijn^e voirs. zulke grascie ghedaen ende doen, waer dat sake dat hi storve sonder witachtichghe zone, zo es onse wille dat dit voirseyde goed ane comen zal op zire ouster dochter die hi hebben zal bi joncvrouwe Alijd sinen wive voirscreven, ende die dochter die zalt voert van ons houden in rechten lene.

In orkonde desen brieve beseghelt met onsen seghele^f. Ghegheven te Haerlem des sonnendaghes op sinte Giellis^g dach int jaer ons Heren M^o CCC^o vijf ende tuintich.