Registers van de Hollandse grafelijkheid 1299-1345

Graaf Willem III verbiedt eenieder een vete aan te gaan met Jan Willem Erenz., die vanwege de graaf en in opdracht van de baljuw twee misdadigers heeft helpen doden.

^a Willaem^b grave etc. maken cond allen luden. Want Jan Willem^c Eren zone ons ghetoeghet hevet dat hi suaerliken beveit es omme twie knapen die hi halp ontliven van onsen weghen omme hore misdaet willen, bi bevelenesse van den here van Brederode, die onsen bailiu was, ende van Willaem^d van Velsen^e sinen zoene, diere mede was als wi ter wareyden verstaen hebben; zoe willen wi dat hi ^f van dier vete quite wese^g. Ende waer dat zake dat yement hem dair omme meer vetede jof up hem misdede, dat zouden wi houden ane sinen live ende ane sinen goede.

In orconde desen brieve bezeghelt mit onsen zeghele. Ghegheven in die Haghe des woensdaghes nae sinte Gillijs^h dach int jaer ons Heren M CCC ende vive ende twintich.