Registers van de Hollandse grafelijkheid 1299-1345

Jan van der Mije verklaart ten overstaan van de graaf en diens met name genoemde leenmannen dat hij zich zal onderwerpen aan de grafelijke uitspraak in het geding tussen hem en Dirk abt van Egmond.

Vgl. de volgende oorkonde nr. KE 107 in het register.

Allen den ghenen die desen brief sullen sien of horen lesen make ic cont Jan van der Mye dat ic van sulken zaken als langhe in ghedinghe ghestaen hebben twisken haren Dieric^a abt van Egmonde^b ende mi, ghebleven gheheelix ende al ane minen lieven here, heren Willaem^c grave van Heneghouwen^d, van Holland^e, van Zeland ende here van Vrieseland^f, ende dat ic mi verwilkoerd hebbe op al mijn goid, soe waer dattet gheleghen es, leen ende eyghen, in der jeghenwoerdighede^g mijns liefs heren sgraven voerseyt ende siere mannen, dats te weten Janne van Pollaen, Tielleman^h den Moelnaerⁱ, Bertoud^j van Aspendelfs^k ende Willaems^l den Cuyser^m, alzulc zegghen te houden ende te voldoen als mijn lieve here voerscreven segghen sel twisken den abt voerseit ende mi alzeⁿ als van saken voerscreven.

In orcunde desen brieve beseghelt med minen seghel. Ghegheven te Berghen in Heneghouwen^o des woensdaghes na der octave van Pijnsteren^p int jaer ons Heren M^o CCC ses ende twintich.