Registers van de Hollandse grafelijkheid 1299-1345

Graaf Willem III bevestigt de schenking door Wouter van Rolland aan diens echtgenote jonkvrouw Geertruid van een lijftocht bestaande uit de helft van een zate in Tetterode met de kleinste helft van het bijbehorend akkerland en grasland, alsmede jaarlijks 6 pond uit de tiend ten oosten van het Spaarne en 2 hoed gerst uit de opbrengst van Texel.

Wi Willaem^b grave van Heynnegouwen^c etc. maken kond etc. dat Wouter van Rolland, onse man, met onser hand ghemaect heft joncfrouwe Ghertrude^d, zinen wive, toit horer lijftochte die helfte van der zate die Jan van Rolland, zijn vader, bezeten hadde, husinghe, hofsteden ende boenghaerd ende die minder helfte van allen zaetlande ende maedlande dat toter hofstede behoirt, als hi naist mach, legghende in Tetroden in Henrix^e ambocht van Brederode, ende ses pond jaerlix uter tiende bi oister zide der Spaerne, sonder enigher hande ghelt daer of te betalen dat uten tiende ghaet; voirt maect hi hoir met onser hand twie hoed ghersten die hem jairlix vallet ute Tessele. In wilker lijftochte voirscreven wi gheloven te houden jonfrouwe Ghertrude^f voirs. alse recht es na zede ende coustume van onsen lande.

In oirkonde etc. Ghegheven tote Hairlem^g des manendaghes na sinte Thomas dach int jaer ons Heren XXVI^o.