Registers van de Hollandse grafelijkheid 1299-1345

Hendrik van Diepenheim belooft Jan van Bergen, zijn neef, alle medewerking in de afspraken tussen hen beiden inzake de goederen van Willem van Haarlem, ondanks eerder verzet hiertegen zijnerzijds.

Ic Heynric van Diepenen make cond allen den ghenen die desen brief zellen sien of horen lesen dat ic Jan^a van Berghen, minen neve, te hulpe comen wil van dien voirwairde die wi hebben, hi ende ic onderlinghe, van Willaems^b goede van Hairlem^c, na sijns selves rade ende des des rentemeisters^d ofte anders wien hi dair toe nemen wil, na alle dien dat ic vermach, alsoe alse ic eer weder him selven ghesproken hebbe.

In orkonde desen brieve bezeghelt med minen seghele. Ghegheven in den jare ons Heren M^o CCC^o ende sestiene^e des vriendaghes nae sinte Pieters daghe in den oichst.