Registers van de Hollandse grafelijkheid 1299-1345

Jan van Haarlem doet in tegenwoordigheid van een aantal met name genoemde edelen en andere personen uitspraak in het geschil tussen zijn vader Willem van Haarlem en zijn oom Hendrik van Diepenheim betreffende goederen nagelaten door heer Simon van Haarlem; de oorkonde wordt medebezegeld door Hendrik en Willem en door de genoemde edele getuigen.

Allen^b den ghenen die desen brief sullen zien of horen lesen, ic Jan van Hairlem^c saluyt ende kennesse der waerheyde. Ic doe te wetene allen luden dat ic allen den tvist ende den kijf van allen goede, of waer of dat hi roerde of toe^d quam, die ghestaen hevet tuysken Willaem^e van Hairlem^f, minen vader, ende Heynric van Diepnen^g, minen oem, bi wisen luden van den lande ende bi horen rade, dair ic vele omme ghereden hebbe ende ghepinet, ende bi hore beyder wille alse mijns vaders ende mijns oems Heynrix hebbe gheleghet in dere manieren, want si beyde des ane mi bleven sonder enich weder segghen, ende scouden beyde quite al hoir recht ende ghaven op hoir hantvesten. In den ersten zo zal Heynric van Diepnen^h hebben van allen den goede dair mijn hair Symon van Hairlemⁱ sine kindere die hi hadde bi veren Katelinen sinen wive mede ghegoede oest der Spaerne^j, als te Sloten, Oesdorp, Houtric^k ende uppe den Ghiere^l, est lien est eyghen, een recht vieren deel ende dat te houden van ^m Willaemⁿ van Hairlem^o te liene doert Heynrics lien es. Item zo zal Heynric van Diepnen^p van den pacht te Kastercoem^q also als ne^r Symon van Hairlem^s plach in te ^t nemen mit den renten die dair toe behoren, smaltiende ende voechsediede^u, als te Uutghieste^v, te Limbem, te Akerslote, nemen sijn rechte derdendeel ende hier mede wesen goeder vriende, beyde si ende hoir helpere ane beyde siden.

Ende dit aennaemden^w si beyde ende seghede mijn segghen vaste te houden, ende in orkontscap hier of so hebben wi Willaem^x van Hairlem^y ende Heynric van Diepnen desen brief bezeghelt; ende ic mid hem. Dit ghesciede te Briedards sande^z, dair was over Dieric here van Brederode, Dieric van Teilinghe^a', Jan van Berghen, Jan ute der Wijc, Jan van Sasnem^b', die dit mede beseghelt hebben, ende vele ander goede lude ende vriende, int jaer ons Heren M CCC ende sevene des woensdaghes na dat men singhet Misericordia.