Registers van de Hollandse grafelijkheid 1299-1345

Graaf Willem III beleent op advies van een aantal met name genoemde mannen Jan Persijn, zoon van wijlen heer Nicolaas Persijn, met al de goederen die diens vader in leen hield, met de bepaling dat deze ook op vrouwelijke erfgenamen kunnen overgaan, en dat bij gebrek aan wettige erfgenamen deze zullen komen aan diens oom Jan Persijn.

Wi Willaem^c grave van Heynnegouwen^d etc. maken cond etc. dat wi bi rade onser liever ende ghetrouwer lude heren Gherets^e here van Vorne, burchgrave van Zeelland^f, heren Ernouds van Bonlland^g, heren Florens van Hamstede^h, heren Daniels van der Marwedeⁱ, maister H. van Gheldenake ende heren Willaems^j van Duvorde^k hebben ghegheven Janne Persine^l heren Niclais^m Persinsⁿ f., houder van deser letteren^o, dat goed gheheelic ende al van ons te houden te liene dat sijn vader van onsen ouders te liene helt, in aldusdanigher manieren dat ware dat sake dat hi storve sonder erfsone, dat dat goed voirnoemd soude comen op sin ouste wairlike dochter^p die^q wittelic kind ware, omme menighen ghetrouwen dienst die sijn vader ons ende onsen ouderen ghedaem^r heeft, ende oic in onsen dienste doit ghebleven es; ende wair oic dat sake dat Jan Persins^s heren Niclays^t sone Persins^u voirnoemd ghebrake sonder wittelic erfkind^v, wairt sone ofte dochter, soe soude dit dicke voirnoemde goed comen op Janne Persine^w sinen oem, diet med hem ontfenc van ons mid samender hand.

Ende omme dat dese ghifte voirscr. stade ende vaste blive van ons ende van onsen nacomelinghen, ende ^x in verhueghenessen, hebben wi dese letteren bezeghelt mid onsen zeghelen. Ghegheven tote sente Gheerden berghe op sente Jacobs avond int jaer ons Heren M^o CCC^o XXXI^o.