Registers van de Hollandse grafelijkheid 1299-1345

Graaf Willem III doet uitspraak in het geschil tussen Willem van Adrichem en diens kinderen enerzijds en Hein Rode anderzijds over de nalatenschap van wijlen Jutte Willemsdr., echtgenote van Hein Rode.

Wi Willaem^a grave^b van Heynnegouwen^c etc. maken cond etc.^d dat dit onse segghen es van den twie die Willem^e van Adrichem ende sine kindere ende Heyne Roede onderlanghe hadden omme besterfte van Jutten Willems^f dochter, die Heyne Roeden wijf was. Int eerste segghen wi dat Willen^g ende sine kindere nemen al sulke medegave alse Jutte ane Heyne Roeden brochte, ten sie ghearghet van ouden; ende viel dair eenich twy in, dat segghen wi te besceyden onsen baliu ende onsen rentemeester. Voirt sal Heyne Roede gheven Jutten erfnamen voirscreven hondert pond Hollands^h, die eene helft viertien daghe na sente Jans misse middezomerⁱ naistcomende^j, ende die ander helft viertien daghe na sente Baven daghe^k dair na naist comende^l. Ende hier bi segghen wise onderlinghe vereffent, ende goide vriende.

In orkonde etc. Ghegheven in die Haghe op sente Laurens^m avond int jair ons Heren M CCC XXXII.