Registers van de Hollandse grafelijkheid 1299-1345

Graaf Willem III geeft IJsbrand Ogiersz. uten Hoeke toestemming tot verkoop in vrij eigen van een nader omschreven leengoed in het ambacht Rijswijk, welk goed hem eerder was opgedragen door IJsbrand en diens familie ter compensatie voor een even groot leen in het ambacht Wateringen dat deze had mogen verkopen.

Vgl. nr. NH 94.

De onderstaande tekst is gebaseerd op afschrift B.

Wi Willaem^b grave van Henegouwen^c, van Holland^d etc. maken kont allen luden dat wi Ysebrande Odsiers sone uten Hoeke gheoirloft hebben onse neghentiendalf morghen ende drie ende neghentich roeden lands luttel meer ofte mijn, legghende int ambocht van Rijswijc^e binnen desen marken: die Hoecwech ant zuydende; Hughen Naghels land, die wateringhe daerd ambocht van Wateringhe ende van Rijswijc^f bi sceydet ende Paridaens^g land op die weestzide; Paridaens land ende die Brede wech opt noirdende; die Oude wateringhe ende des persoenres land op die oistzide, te vercopen te vrien eyghen, wilc land voerscreven Ysebrand^h voerseyd ende Jan de Smetⁱ ende sine kindere, Ysebrands wijfs erfnamen voers., ons op ghedraghen hebben in rechten eyghen voer die neghentiendalf morghen ende drie ende neghentich roeden lands luttel min jof meer^j die Ysebrand voers. van ons te leene plach te houden, legghende int ambocht van der Wateringhe in der woninghe ten Hoeke, ende wi hem oirloefden in eyghen te vercopen om der noyt van siere scout of te legghen; ende dese neghentiendalf^k morghen ende drie ende neghentich roeden lands voers. hadde wi Ysebrande alene^l verlied ende verleend, want hi die ander neghentiendalf morghen ende drie ende neghentich roeden lands^m in der woninghe ten Hoeke aliene van ons te houden plach, ende wine hebber Janne den Smit noch sinen kinderen niet of bekennet. Ende so wie dese voerseyde neghentiendalfⁿ morghen ende drie ende neghentich roeden lands tyeghens Ysebrande voers. in eyghene copet, dien gheloven wise te waren alsmen een recht eyghen sculdich es te waren.

In oirkonde desen brieve etc. Ghegheven tote Dordrecht des dinxendaghes voer sinte Lambrechts dach int jaer ons Heren M CCC ende twintich.