Registers van de Hollandse grafelijkheid 1299-1345

Graaf Willem III verkoopt zijn knaap Jan van Polanen twee korentienden en de vlastiende in Monsterambacht, welke deze van hem in leen zal houden; voorts regelt hij de vererving van dit leen, en staat hij Jan toe om de tienden vrijelijk aan diens wettige kinderen te schenken.

De onderstaande tekst is gebaseerd op afschrift B.

Wi Willaem^a grave van Heneghouwen^b, van Holland^c etc. maken cond etc. dat wi onsen trouwen knape Jan van Polanen vercoft hebben twie stucke corentiende die gheleghen sien in Monster^d ambocht, die ons ane comen sien van Dierix doet van Warmonde, ende den vlastiende legghende in Monster^e ambochte die ons ane comen es van besterven^f van Jan van Scuren, wilken tienden voerscreven Jan van Polanen ende sine nacomelinghen van ons ende van onsen nacomelinghen houden sullen te liene, in alsulker manieren dat an ons niet besterven mach binnen achtersusterkint. Voird doen wi Jan van Polanen alsulke gratie, eest^g dat hi enigh van sinen wittachtighen kinderen, est soen jof dochter, met desen tienden voerscreven goeden wilde, dat hi dat doen mach zoe wanneer hi wille. Ende desen voers. tiende hevet Jan voerscreven jeghens ons gecoft om zeventich^h pond Hollandsⁱ, daer hi ons den eersten penning ende den lesten of betaelt hevet.

In orkonde desen brieve etc. Ghegheven Tordrecht des zaterdaghes na sinte Servaes dach int jaer ons Heren M CCC twie ende twintich.