Registers van de Hollandse grafelijkheid 1299-1345

Graaf Willem III verhuurt enkele goederen te Leiden, te weten het kampveld en de hoeven achter de boomgaard en achter de begijnen, die nu in gebruik zijn door zijn knaap Hugo van Leiden, na diens dood aan zijn knaap Gerard Alewijnsz., met de bepalingen dat het kampveld in gebruik zal blijven voor tweegevechten zonder dat Gerard eventueel daaruit voortvloeiende schade op hem kan verhalen, en dat hij zelf de hoeven tijdelijk in gebruik zal mogen nemen, met verlaging van die huur in die periode; wanneer hij daarna de goederen in slechtere staat zal achterlaten, zal de huur blijvend worden verlaagd.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c etc. maken cond allen luden^d dat wi onse crijthoeve^e ende onse hoeve achter onsen boemghaerde ende onse hoeve achter den beghinen te Leyden, die alle drie groet sien tyeghens vier morghen land luttel meer ofte mijn, ende wi ghegheven hebben Hughen van Leyden^f onsen knape te sine live te ghebruken, na Hughen doet voerseyd verhuerd hebben bi Enghebrecht onsen rentemeyster van Noirtholland^g Gheraerde Alewijns^h sone onsen knape ende sinen erfnamen in eene erfhure, zine oirbaer mede te doen, omme vier pond Hollandsⁱ syaers, te betalen alle jare tote Bamisse^j na der note, behouden datmer campe in vechten zal alsmen teser tijd toe ghedaen hevet; ende waer dat zake datmer campe in vochte ende hi daer scade of name, daer en soude hi ons niet of^k eyschen. Waer^l oec dat zake dat wi der hoeven een jof twie behoefden jof meer, tote onsen selfs orbaer alse tote onser woninghe behoef te Leyden, so soude wise hebben ende bezighen sonder weder segghen, ende hem die wile sinen pachte corten alse redeliken ware; ende alse wise selve niet langher en bezichden, so soude hise weder nemen in sinen pachte alse voerscreven es. Mar waer^m dat zake dat wise grondelike hadden ghearcht, zo souden wi sinenⁿ pachte daer of lichten alse redelike ware; ende alle stucken voerscreven sonder arghenlist.

In orkonde desen brieve etc. Ghegheven in die Haghe des sonnedaghes voer sinte Laurens dach int jaer ons Heren M CCC twie ende twintich.