Registers van de Hollandse grafelijkheid 1299-1345

Graaf Willem III treft een zoenregeling tussen Gizekijn Jansz., Floris van den Velde en Arnoud Rotemuil enerzijds en Mouwerijn Dirksz., Jan Gerardsz. en Jan van den Hofdijk anderzijds.

De onderstaande tekst is gebaseerd op afschrift B.

Wi Willaem grave van Henegouwen^a, van^b Holland^c etc. maken cond etc. dat Ghizikaien^d Jans sone, Florijs^e van den Velde ende Arnoud Rotemuyl op die ene zide ende Mouwerijn Dierix sone, Jan Ghereds^f sone ende Jan van den Hofdijc op die ander zide an ons ghebleven^g sien van allen tviste, brueke, eysche die zi malcanderen eyschende^h sien, ende hebben ons daer of borghenⁱ gheset, elke partie voerscreven van II hondert lb. Hollands^j, onse segghen te houden; waer of wi welberaden ende met goeder voersienichede onse zegghen uten in der manieren dat hier na ghescreven staet.

In den eersten zeghen wi dat Mouwerijn Dierix sone, Jan Ghereds^k sone ende Jan van den^l Hofdike zelve voren zueren sullen ende met vijftich^m mannen na dat si Hughen van Putte slachⁿ noch steke^o en ghaven, noch an hem quamen^p daer hi doet bleef^q; ende Ghizikaien^r Jans sone zal selve voren zueren ende met hem^s tienden na dat hi Mouwerine voers. ghiene wonde en ghaf^t in sinen buke voir Pieters poirte van Roden, ende dat hi des al onscoudich es; ende hier bi segghen wi hem luden voerscreven alse van diere aentichte onderlanghe versoend^u. Voird seghen wi dat Mouwerijn voers.^v met hem vijftichsten^w zueren sal ten heylighen dat hi en ghienen vrede op Florijs van den Velde te broken hevet, ende dat hi des alinghe onsculdich es. Voird sal Mouwerijn voers. voer hem ende voer sine helpere gheven Florijs van den Velde over sine vrese ende lelichede die hi hem dede dat hine over die wateringhe dede suemmen achte lb. Tornoyse, den^x groten over zestien penninghe gherekent, ende daer op sal hi voren sueren ende met hem twintich manne na dat hi Florijs voers. sine broke ende lelichede daer mede al verbeterd hevet; ende dese achte lb. Tornoyse^y voerscreven zal hi betalen ^z Arnoude van den Dorpe, onsen baeliu van Delfland^a' ende van Scieland, tote Valkenborgher^b' market naist comende, ende di^c' zalre Florijs voers. voird of voldoen. Voird sal Jacob Hannen sone selve voren zueren ende si tiene na dat hi Muse^d' van den Velde steke noch slach en ghaf ende dat hi en ghienen vrede op hem brac^e', ende des alinghe onsculdich es. Voird sal Mouwerijn Dierix sone zueren met hen viven dat hi Ghizikaien^f' Jans sone niet ghelaecht en hadde ter tijd toe Ghizikaien^g' tAntworpen voer, ende dat hi des alinghe onsculdich es. Voird soe zal Jan van Rosenburch^h' ende Arnoud van den Dorpe varen in Maesland voer onser Vrouwen dach na den oeste^i' naist comende ende sullen daer sceyden alsulken twi alse Arnoud Rotemuyl ende Mouwerijn Dierix sone ende Jan Ghereds^j' sone onderlinghe^k' hebben om voren tofferen ende voren paes te nemen; ende hoe dat zijt^l' setten dat sal ghestade bliven. Voird soe sal Jan Ghereds^m' sone ende Jacob sijn sone beyde zueren ten heylighen dat si niet en seyden dat Arnoud Roremuyl^n' voers. eyghen ware, ende dat si des onsculdich sien. Voird^o' sal Ghizikaien^p' Jans sone al ene^q' zueren^r' dat hi Mouwerijns Dierix soens knechte ter^s' kerke in die Liere niet en sloech omme Mouwerijns scande noch om sire veeten^t' die hi tyeghens hem hadde. Voird om dat wi ghevonden hebben dat buten^u' vrede was ter tijd doe Ghisikaen^v' Jans sone met gheghaderden luden quam voer Jan Gheraeds^w' soens huys, so segghen wi dat quite. Ende alle dese eede voerscreven salmen doen voer Arnoude van den Dorpe, onsen baeliu van Delfland^x' ende van Scieland, tote Sciplede^y' nu ende zaterdaghe naest comende te mestide. Ende hier bi segghen wi^z' tusken den partien voerscreven ene alinghe zoene^a'', ende soe wie die zoene^b'' brake dat waer^c'' op sijn lijf ende op sijn goed; ende dat sal staen tote ons selves proeven ende toet anders en ghienen rechte. Ende alle stucken voerscreven sonder archenlist, ende toet onsen verclaersen offer yet ane ghebrake.

Ende omme dat wi dit vaste ende ghestade houden willen hebben, zo hebben wi desen brief open bezeghelt met onsen zeghele. Ghegheven in die Haghe des vridaghes voer sinte Bartholomeus^d'' dach int^e'' jaer ons Heren M CCC twie ende twintich.