Registers van de Hollandse grafelijkheid 1299-1345

Graaf Willem III beleent Jacob van Bakenesse met de 10 morgen land te Escamp in het Haagambacht die deze hem had opgedragen; voorts regelt hij de vererving van dit leen.

Wi Willem^a etc. maken cont allen luden dat ons Jacob van Bakenesse up ghedreghen hevet X morghen lants legghende in Haghe ambocht^b in Haetscamp^c, die heren Wolewiins van Sassenem^d waren ende in sinen lande gheleghen waren, wilke X morghen lants vorscreven wi Jacob vors. verlient hebben ende^e verlenen in deser manieren datse niet versterven zullen moghen si en zullen comen up zone jof up dochtere; ende war dat zake dat Jacob vors. storve sonder wittachtighe boerte van sinen live, so soude dit vorscreven land comen up Dieric van Scueren^f des Jacobs keves sone vors.; ende waer dat Dieric vorseyt storve sonder wittachtighe boerte, soe soude dit vorscreven land weder comen up Jacobs erfnamen van Bakenesse, ende voert soe zal dit vorscreven land staen in lene of^g dochter^h of upⁱ sone niet te versterven alzoe langhe alser een achtersusterkind of levet^j.

In orconde etc. Gegheven in den Haghe des^k woensdaghes nae sente Matheus^l daghe in anno XXIIII^o.