Registers van de Hollandse grafelijkheid 1299-1345

Graaf Willem III beleent zijn broer heer Jan van Henegouwen, heer van Beaumont, met de 170 pond Hollands jaarlijks die heer Arnoud, heer van Stein, van hem in leen hield uit de pacht van Nieuwenbroek alsmede – samen met diens echtgenote vrouw Margareta – de tiende tussen Leiden en Doedenslaan en de tiende van Benthuizen; hij beveelt de rentmeester van Noordholland deze jaarrente uit te keren.

De notitie aan het slot van de tekst heeft in beide registers een eigen volgnummer gekregen. Het is de vraag of die daarin vermelde opdracht en belening ooit in de vorm van een oorkonde zijn uitgevaardigd.

Vgl. nrs. DE 50 en 51.

Wi Willem^b grave etc. maken cont etc. dat^{c d} voir ons quam her Arnout her van Steyne ende drough ons up in onsen handen tot heren Jans behouf van Henegouwen^e, ons broeders, hondert pond Hollands^f sjaers die hi van ons helt te rechten liene ute onsen pachte van den Nuwen broeke in Noirholland^g, die men plach tebetalen die ene helft tote Bamysse^h ende die ander helft tote onser Vrouwen lichmysseⁱ; item drouch^j hi ons noch up tote ons broeders behouf voirs. die tiende tusken onser porten van Leyden ende Dodijns lane ende ^k die tiende van Benthuse^l die ons ane quam van Willem^m van Ecgmundeⁿ, die^o wilke tienden wi den her van Steyne voirs.^p op ghelevert hadden voir tzeventich pond Hollands^q sjaers te goede^r rekenninghe, hem ende ver Margrieten^s sinen wive van ons te houden te lene. Wilke hondert pond ende zeventich pond Hollands^t sjaers in der manire datse den here van Steyne ende ver Margriete^u zijn wijf voirscreven van ons heelden^v voert^w verliet hebben ende verlien heren Janne^x van Henegouwen^y, her van Baymont^z, onsen broeder, van ons ende onsen nacomelinghen^a' hem ende sinen ^b' nacomelinghen te houdenne te rechten lene; ende ombieden ende bevelen narstelike onsen rentemyster van Noirtholland^c' die nu is jof hier na wesen sal dat hi sonder ander ghebot van ons te hebben betale alle jare ende late ghebruken onghemoyt haren Janne^d' onsen broeder jof zinen ^e' ghewarden^f' bode die rente voirnoemt in^g' der maniren dat voirs. is^h'. Alle dese saken voirs. die waren ghedaen in die jeghenwordichede van onsen mannen die hier over gheroepen waren, dats te weten den here van Barbenchon, den here van Linghe, heren Dideric van Casteleir, Willem^i' van Duvenvorde^j' onse camerlinc, ende Reynkin^k' Bruyke.

In orconde desen brieve beseghelt met onsen seghele^l'. Ghedaen^m' te Berghen^n' in Henegouwen^o' des saterdaghes voir sente Marien Magdalenen daghe int jaer ons Heren M^o CCC^o XXV^o.