Registers van de Hollandse grafelijkheid 1299-1345

Filips van Wassenaar maakt bekend onder welke voorwaarden hij een wettig huwelijk gesloten heeft met jonkvrouw Elizabeth, dochter van heer Jan van der Dussen, ridder; de oorkonde wordt meebezegeld door zes met name genoemde borgen en door graaf Willem III, die als overborg optreedt.

Vgl. de in het register volgende nrs. NH 174-176. Gezien de plaats van dit complex teksten in het primaire register A zullen deze door Filips van Wassenaar en Jan van der Dussen uitgevaardigde oorkonden zijn gedateerd naar een winterstijl, en niet naar de in de grafelijke kanselarij gebruikelijke paasstijl (zie de Inleiding).

Allen den ghenen die desen brief zullen sien jof horen lesen, ic Philips^f van Wassenaer make cond ende kenlijc dat ic verghadert bin in wittighen huwelike ane joncfrouwe Lizebetten heren Jans dochtere van der Dussen, riddere, in deser voirwaerden dat mi die selve heer Jan gheven sal tot minen wille drie hondert pond Hollandse^g penninghe, den goeden groten conincs Tornois^h te payen voer achte penninghe jof die waerde daer tieghen, ende vijftich pond Hollandse penningheⁱ sjaers, elcs sjaers te gheldene tot Paeschen met desen voerwaerden: waer dat zake dat ic wittachtighe gheboert ghecreghe^j bi joncfrouwe Lizebetten^k voers. ende een sone ware, dat hem ane comen^l sal alle heerleec^m goed dat ic hebbe, ende waert een dochter ende storve joncfrouwe Lizebet voers., so sal die behouden voer die drie hondert pont Hollandse penninghe van joncfrouwe Lizebetten mede gave dertich pond Hollandse penninghe sjaers, ende ic salse voer goedenⁿ ghelijc Heylewighen^o die ic bi joncfrouwe Goeden^p hadde, heren Simons^q dochtere van Benthem^r, ofte bat van heerliken goede; ende eighen goet sal staen toten recht van Rinelant^s, dats te verstaen tot aesidomschen^t recht. Ende storve ic Philips voers. sonder^u sone, dat daer dochtere bleve ghecreghen bi joncfrouwe Lizebetten voers., so soude die selve joncfrouwe Lizebeth^v te vore heffen hore lijftochte ende half hore mede gave ende hore dochter die ander helfte van der mede gave, dats te verstaen drie hondert pond Hollandse penninghe ende vijftich pont Hollandse penninghe sjaers; ende alle ander eighen goet dat daer bleve sal staen ten^w lant recht van Rinelant^x, dats te verstaen tot aesidomschen^y recht. Voirt eest voirwaerde storve joncfrouwe Lizebet voers. sonder gheboert van mi, dat God^z verlaten moet, ^a' op die ure dat si storve dat die gheboirt niet levende en ware, so souden hore erfnamen heffen^b' hore mede gave, dats te verstaene dat hore erfnamen behouden selen die vijftich pond Hollandse penninghe sjaers, ende ic sal hem ute reiken die drie hondert pont Hollandse penninghe sonder scoude te ghelden. Voirt storve ic Phillips^c' voers. sonder levende gheboird van joncfrouwe Lizebetten voers., so sal si ute varen met hore voerghenoemder mede gave ende met hore lijftochten sonder^d' scout^e'. Voirt^f' hebbe ic Philips voers. ghelovet ende ghelove dat ic binnen jaers joncfrouwe Lizebetten maken sal tot hore lijftochten hondert pond ende tien pond Hollandse penninghe^g' sjaers^h'; maer waerd dat ic bi hore enen sone ghecreghe, so soude hore lijftocht tien pont sjaers dier voers. mointe minre^i' sijn.

Ende om alle dese voerwaerde te voldoen, so bidde ic ende versoeke edele liede, mine lieve vriende heren Didderic^j' van Leyden^k', burchgrave van Leyden, heren Jacob van den Woude, riddere, Willem^l' van Leyde^m', Janne van der Weteringhe^n', Didderic van Alkemade ende Didderic van der Made, dat si mine borghen werden tieghen haren Janne van der Dussen voers. ende desen brief met mi bezeghelen willen. Ende om die meere^o' zekerheid so^p' bidde ic minen lieven ende gherechten here, minen lieven here den grave van Henegouwen^q', van Holland^r' etc.^s', dat hi een overborghe voer mi si ende desen brief met mi ende met minen borghen bezeghelen wille.

Ende wi Didderic van Leyden^t', borchgrave van Leiden^u', Jacob van den Woude^v', riddere, Willem^w' van Leyden, Jan van der Weteringhe^x', Didderic van Alkemade ende Dieric van der Made maken cond allen luden dat wi om bede wille ende versoeke Philips van Wassenaer voers. sijn sine borghen worden tieghen heren Jan van der Dussen voers. van alsulker gheloeften alse hi hem ghelovet hevet. Ende waer ane Philips voers. ende ane ons die sine borghen sien enich ghebrec dat wi hem niet en voldaden alsulc voerwaerde als hier voerscreven staet, so gheloven wi in goeden trouwen ende zekeren bi onser zekerheid elc van ons voerghenoemt binnen Sinte Gheertruden berghen^y' te comen ligghen op onsen eighenen coste tot heren Jans maninghe voers. of tot sijns ghewaerds boden; ende elc ridder mach voer hem seinden ende in sine stede twie eersame^z' knapen, ende elc knape enen eersamen^a'' knape; ende van dane niet te sceidene voer dat wi heren Janne voers. ghehelijc ende^b'' al voldaen sellen hebben alsulke gheloefte^c'' ende voerwarde alse voerscreven sijn. Ende wi Willem^d'' grave van Henegouwen^e'' etc. om bede ende versoeke van Philips van Wassenaer voers. sijn overborghe worden dese voirwaerde ende gheloefte te voldoen, waer enich ghebrec an hem of ane sine borghen. Ende ic Philips voers. ghelove minen borghe te houden scadeloes^f'' van deser borchtochten op alle goet dat ic hebbe, leen ende eighen, so waer dat gheleghen is.

Ende omdat wi willen dat alle dese voerwaerde ende gheloeften vast, ghestade ende ghetrouweliken ghehouden bliven, hebben wi Philips van Wassenaer, Didderic van Leyden, borchgrave van Leiden, Jacob van ^g'' Woude, riddere, Willem^h'' van Leiden, Jan van ^i'' Wateringhe^j'', Didderic van Alkemade ende Didderic van der Made alse borghe met ghesamender hand ende elc voer alle desen brief bezeghelt met onsen zeghelen. Ende wi Willem grave van Henegouwen^k'' etc., hebben alse overborghe desen brief met hem ^l'' lieden bezeghelt met onsen zeghele. Ghegheven int jaer ons Heren M CCC ende ses ende twintich des vridaghes na Jaers dach.