Registers van de Hollandse grafelijkheid 1299-1345

Graaf Willem III verkoopt een nader omschreven perceel van 18 morgen in het ambacht Rijswijk in vrij eigendom aan zijn kamerling Willem van Duivenvoorde.

Wi Willaem^b grave van Heneghouwen^c, van Holland^d, van Zeland ende here van Vriezeland^e maken cont ende kenlic allen luden^f dat wi vercoft hebben bi Enghebrechts^g hand, ons rentemeesters van Northolland^h, Willaemⁱ van Duvenvoirde^j onse trouwe camerlenc toit enen vrien eyghen achtien morghen lands^k metten vene lande^l ende metten huse ende metten boemghaerde^m, alst gheleghen es luttel min of meer legghende in Rijswikerⁿ ambocht, ende ons ane quamen van Willaem^o Florens zone, daer die sestien morghen of beleghen sien metten palen die hier na volghen: in die oist zide Hughe Spruten zone, ane die west zide Jan veren Alide zone, Ghisebrecht^p Sueyme^q ende Costijn Heynrix^r zone, streckende tuskende die hoeve^s ten noirdende^t ende die Brede wech ten zuyd ende, ende die ander twie morghen strecken tusken den Brede weghe^u ende die water loeze ende leghet up die weist zide Ghisebrecht Zueyme^v ende op die oist side ver Alveraet^w Werembouds^x Bloeten^y, ende dit voir ghenomde land hevet ons Willaem^z voers. bi Enghebrecht onsen rentemeester vol ende al betalt den lesten penning metten eersten; ende beloven dit voirnomde land Willaem^a' ende sinen erfnamen, of den ghenen die desen brieve hevet, te waren jeghens elken man als een vry eyghen goed.

In orcunde desen brieve beseghelt met onsen seghele^b'. Ghegheven in die Haghe des donresdaghes voir sinte Jans dach midde somer int jaer ons Heren M^o CCC^o ses ende twintich^c'.