Registers van de Hollandse grafelijkheid 1299-1345

Willem van Duivenvoorde, kamerling van graaf Willem III, sticht als aflaat voor zijn zonden, ter nagedachtenis van wijlen gravin Filippa, voor het zielenheil van de graaf, zijn vader en moeder en hemzelf en ter ere van God, Maria en sint Catharina een kapelanij, dagelijks te bedienen door een kapelaan in zijn huis te Oosterhout of elders, en na zijn dood in de Onze Lieve Vrouwe-kapel in de kerk van Geertruidenberg, welke kapelanij hij doteert met enkele nader omschreven goederen, en van welke kapelanij hij en zijn erfgenamen de begeving zullen houden, waarbij hij die erfopvolging regelt; de oorkonde wordt bevestigd en meebezegeld door bisschop Jan III van Utrecht en graaf Willem III, welke laatste tevens afziet van alle rechten die hij mocht hebben op de voor de kapelanij bestemde goederen.

In den name des Vaders, des Soens ende des Heylighen Gheest Amen. Ic Willaem^a van Duvorde^b, camerlinc mijns heren des graven van Henegouwen^c ende van Holland^d, machtich ende wetende mire zinne binnen minen zonden levene hebbe ghemaect^e ende make in oflate van minen zonden ende in eweliker ghedinkenesse mire liever vrouwen veren Philippre, wilen eer gravinnen van Henegouwen^f ende van Holland^g, daer God die ziele of hebben moete, mijns heren sgraven voers., mijns vaders ende mire moeder zielen ende der miere in der eeren Goeds, onser Vrouwen ende sinte Katerinen^h ene capelrie, jaerlix te verdienen bi enen goeden capellain, daghelix messe opⁱ te doene zo wanneer hijs ghestaet es bi zire consciencie in minen huze tote Oisterhoute^j of daer mi^k goed dinken zal dat icse doe verdienen alse langhe als ic selve leve, ende na miere doet ewelike te verdienen in die kerke toet Sinte Gheerden berghe^{l m} in onser Vrouwen capelle an die noerdzide, eneⁿ ware of icse bi minen levene elwaer sette te verdienen. Ende dese voerseide capelrie hebbe ic ghedoeteerd ende fundeerd op dese renten die hier na volghen: in den eersten op enen camp lands die heet die Capellecamp^o, legghende an der^p lane bi minen huze in der Lire^q dat Hughen uter Lire^r was, die hout jeghens twee morghen luttel min ofte meer; item op enen camp lands diemen heet die Loete^s, legghende bi der zelver woninghe ende nu Willaem^t Coeman^u in huren heeft, die hout jeghens vier morghen luttel min ofte meer; item op zestalf morghen, een hont ende dertien ghaerden lands legghende bider selver woninghe, die nu Arnoud die Bamker^v in huren heeft. Al dit land voerscreven hebbe ic vrielike ende ervelike op ghedraghen ende dreghe op ende scelde quite ewelike ende emmermeer van desen daghe voerd te bliven met alle der renten ende vervalle dier of ^w comen moghen deser capelrie voerscreven tote des capelaens behoef, diese besitten zal vrielighe^x te ghebruken ende op te heffen jaerlix zonder enich^y wederzegghen van mi of van minen nacomelinghen, in dier manieren dat die capelain van den reetsten renten die jaerlix van desen lande comen zullen voren uyt nemen ende op heffen zal elf pond Hollands^z tote zire jaerlixer renten, die hem altoes bliven zullen toter capelrien daer icse mede doteert ende fundeerd hebbe; ende so wat boven den elf pond Hollands^a' jaerlix van den lande comen mach, dat die cappellain bi sire conscientie dat gheve om scoen ter armer behoef daer hi die cappelrie^b' verdienen zal ende mine ^c' zile^d' ende der ghere^e' die hier voernoemd sijn. Ende die ghifte van deser cappelrie houde ic ane mi selven alse^f' langhe als ic leve, te gheven enen cappellaen die ic wille so wanneer si open worde; ende na mire doet die ghifte daer of te comen op minen outsten^g' wittachtighen sone, ende en liet ic ghenen soen, op mire outsten^h' wittachtigher dochter, ende alsoe voerd op den outsten zoen, ende ghebrake des soens, op der outster dochter, ende alsoe voerd van der ere gheboerte op der^i' andre. Ende ghebrake mijns zonder wittachtighen^{j' k'} kint van minen live te laten, dat die ghifte quame op Janne van Polanen minen broeder, des hi levede, ende na hem op sinen outsten sone; ende en hadde hi^l' ghenen^m' soen, op zire outster dochter; ende ghebrake sijns sonder wittachtich^n' kint, zo wilde ic dat die ghifte quame op Kerstinen^o' mire zuster, Arnouds^p' wijf van der^q' Dorpe, of op hare ouste kint, waerd zoen of^r' dochter; ende ghebrake hairs zonder kint, zo wilde ic dat die ghifte quame ane minen here den grave voers. of ane zinen rechten erfname grave van Holland^s'.

In kennesse hier of ende omme dat ic wille dat dit ewelike vaste ende ghestade blive zonder enich wederzegghen, so hebbe^t' ic desen brief open bezeghelt mit minen zeghel; ende omme die meerre zekerhede ende vestenesse hebbe ic ghebeden minen lieven here, heren Janne^u' bi der ghenaden Goeds bisscop van Utrecht, ende minen lieven here^v', heren Willaem^w' grave van Henegouwen^{x' y'}, van Holland^z', van Zeland^a'' ende here van Vriesland^b'', dat hi dese stucken confirmeren ende met mi bezeghelen wille^c''. Ende wi Jan, bider ghenade Goeds biscop van Utrecht^d'', om Goeds dienst te helpen meersen ende om Willaems^e'' goede meninghe ende begheerte van onser macht confirmere dese vorseide capelrie in alre manieren alse Willaem^f'' hier ghemaect heeft in desen brief, daer wi onsen zeghel met hem ane ghehanghen hebben. Ende wi ^g'' Willaem^h'' grave van Henegouwen^i'' etc. om ons Heren dienst te vorderen ende om Willaems^j'' ons camerlincs bede willen ^k'' hebben alle die leenwaer of alsulken eyghendoem ende recht als ons toe behoeren mochte of ane comen, in wat manieren dat ware, van alle desen voerscreven lande dat tote deser capelrien bewiset ende beset es vrielike ende ewelike quite ghescouden, ende willen dat dit voerseide land ervelike ende emmermeer bliven deser capelrien sonder enich wederzegghen of anetale van ons of van onsen nacomelinghen, ende dat dese capelrie vortga ende ewelike ghestade blive in alre manieren als hier voerscreven es in deser lettere, die wi mede bezeghelt hebben met onsen zeghele met onsen here den bisscop van Utrecht ende met Willaem^l'' onsen camerlinc voerscreven, ter meerre orkonde van desen dinghen. Dit was ghemaect, ghedaen, ghegheven op sinte Urbaens dach int jaer ons Heren M^o CCC ende zesse ende twintich^m''.