Registers van de Hollandse grafelijkheid 1299-1345

Graaf Willem III doet uitspraak in een geschil over pachtbetalingen te 's-Gravenkoop tussen enerzijds Jan Egberts en diens echtgenote, dochter van Pieter van Minnekijn, en anderzijds hun landzaten van 's-Gravenkoop, en bepaalt voorts dat de schotbare lieden aldaar hem jaarlijks 1 pond Hollands zullen betalen uit het gemene ambacht.

Wi Willaem^b grave van Heynnegouwen^c etc. maken cont etc. dat een twi was tuschen Jan Egghebrechts^d ende sinen wive, Pieters dochter van Minnichijn^e, up die ene side ende horen landsaten van Gravencoep up die ander zide, des si an beyden ziden^f an onse segghen bleven^g na der warride ende na den betoghe dat sier of hadden, dair wi ene warride of hebben doen zoeken; wair of wi wel beraden onse zegghen uten in dier maniren dat die eerste tien saten^h legghende intⁱ zuytende van Gravencoep an den Niewen^j broec gheven zullen elcs sjaers van elker zate dertien scellinghe Hollands^k, voird ^l zullen die tien zaten dair naest an gheleghen noerdwaerd elke zate gheven elcs sjaers elf scellinge Hollands^m, voird ⁿ zullen die leste tien^o zaten dair an legghende noerdwaerd van elker zate gheven elcs^p sjaers X scellinge Hollands^q; ende dese pacht zal den buren erflike duren. Voird zullen die scotbaer lude van Gravencoep mit allen scotbaren goede ons jaerlics gheven ute den menen ^r ambochte een pond Hollands^s te scote, die ene helfte te sinte Maertijns misse^t alle jare in den winter ende die ander helfte te meye.

Ende want wi willen dat dit ghestade ende wel^u ghehouden blive^v, zo hebben wi desen brief open beseghelt mit onsen zeghele. Ghegheven in die Haghe des saters daghes na sinte Jacobs dach int jaer ons Heren M^o CCC^o ses ende twintich^w.