Registers van de Hollandse grafelijkheid 1299-1345

Graaf Willem III verkoopt Dirk Wiggersz. van der Tol in vrij eigendom de 10 morgen land in Ruiven die eerder diens oom Coppard van den Hogenwerve in leen hield, met uitzondering van de lijftocht van Nelle, Coppards weduwe.

Wi Willaem^b grave van Heynnegouwen^c etc. maken cond etc. dat wi Dieric Wigghers^d sone van der Tollen vercoft hebben over eyghen tien morghen lands luttel meer of min, die Coppaird^e van den Hoghenwerve, zijn oem, hier voelmaels^f ons opdroch tonsen eyghen ende van ons weder ontfenc te liene ende die nu weder an ons bestorven sien, ende gheleghen sien op Ruveen binnen desen merken: an die suytzide Willaem^g Albrechts^h sone ende Pouwels Tedemans sone, ane die noirtzide die hove van Waremonde, ant westendeⁱ die Delf, int oest ende eene morghen lands die an den Ruvenschen^j wech leyt ende dat Aelmosse land hiet; van wilken lande voirscreven wi gheven Dieric voirnoemt enen vryen eyghendom met desen jeghenwoirdighen brieve, behouden Nellen Coppairds^k wedue^l voirs. hare lijftocht^m.

In oirkonde desen brieve bezegheld med onsen segheleⁿ. Ghegheven in die Haghe des woensdaghes voir Pinxter int jaer ons Heren M° CCC° acht ende twintich^o.