Registers van de Hollandse grafelijkheid 1299-1345

Graaf Willem III verbiedt de inwoners van het graafschap Holland, Zeeland en Friesland de verkoop van ambacht, tiende of land aan kloosters en geestelijken, op straffe van een boete van 10 pond en verbeurte van het verkochte goed; voorts gelast hij de rechters, schepenen en buren van het land op straffe van dezelfde boete geen medewerking te verlenen aan dergelijke transacties.

Wi Willaem^b grave van Heynnegouwen^c etc. maken cond etc. dat grote croene voir ons coemt alsoe dat die cloester ende die gheestelike lude binnen onsen lande ende oec somen van buten onsen lande ambocht, tienden ende land coepen binnen onsen lande, ende alse sijt ghecoft hebben zoe wilsijt trecken ane der^d gheesteliker hand ende en wilre onsen luden ghien lands recht of doen, dair si onse heerlijchede ende onse recht mede verminderen willen, des ons niet en staet te ghedoeghen; wair omme wi onbieden allen onsen goeden luden van onser gravesscip^e van Holland^f, van Zeelland^g ende van Vriesland^h, wel gheboren, poirtere ende ghemeente, dat hem niement ghien goed alse voirscreven es enneⁱ vercoepe in onsen lande op ene boete van tien ponden ende op dat goed dat si hem vercoften^j jeghens ons te verboeren. Vort ghebieden wi allen rechteren, scepen ende gheburen van onsen lande, elke bi eenre boete van tien ponden, dat dair niemand over en stae dair men hem enighe ghifte en gheve jof dair si enighen eyghendom ontfaen van enighen erve.

Ende omme dat wi dit vaste ende ghestade willen hebben ghehoude^k, zoe hebben wi desen brief bezegheld med onsen zeghel^l. Ghegheven tote Sinte Gheerden berghe des sonnendaghes voir sinte Thomaes^m dach apostelsⁿ int jaer ons Heren M^o CCC^oo XXVIII^o.