Registers van de Hollandse grafelijkheid 1299-1345

Graaf Willem III schenkt aan IJsbrand Danekijnsz. en Pieter Boudewijnsz., erfgenamen van Floris de Mol, 24 morgen land te Schieveen in vrij eigendom, dit niettegenstaande het feit dat Floris, die dit goed indertijd had gekocht, aan hem opgedragen en in leen terug ontvangen, in een testament zijn erfgenamen had onterfd.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nrs. NH 312 en 416.

Wi Willaem^{a b} etc. maken cond etc. dat een sate lands van twintich morghen legghende op Schyvene^c, die Clarebouts sate^d hiet, ende vier morghen lands legghen^e op Schyevene^f, die Claes^g Herkins^h soensⁱ waren, ons ane quamen in die quade tijd vry bi rechte ende^j vonnisse onser wel gheborenre hiemraderen van Scieland^k, alse vor onghelt datter onse baeliu^l voren uuyt leyden van diken ende van wateringhen doere^m niement niet vore en dede noch doen en wilde, dat onse baeliu van onsen weghen over eyghen vercoften, dair Florensⁿ die Mol ane quam met wittighen cope alse recht was; ende dair na zoe^o droch^p ons die selve Florens dat vorseyde land up tonsen eyghen ende ontfenct^q van ons weder te liene. Ende om dat Florijs^r die Mol doit ghebleven es ende sijn erfnamen van sinen erchliken^s goide al ontervet hevet over mids ^t testament dat hi ghemaket hevet ons ende anderen, zoe hebben wi sinen rechten erfnamen alse Ysebrand^u Danekins^v sone ende Pieter Boudins^w sone^x sulke gracie ghedaen dat wi hem die vorseyde vier ende twintich morghen lands ghegheven hebben ende gheven tote^y haren vryen eyghen med desen opene brieve bezeghelt med onsen zeghel.

Ghegheven in die Haghe op den Jaers dach int jaer ons Heren M^o CCC^oz XXIX^o.