Registers van de Hollandse grafelijkheid 1299-1345

Graaf Willem III geeft aan Bokel Elizabethsz. een hoeve veen van 16 morgen in Nieuwveen in erfpacht, en verbiedt er de turfwinning.

Vgl. nr. NH 463.

Wi Willaem^a grave etc. maken cond etc. dat wi Bokel Lisebetten^b sone ghegheven hebben in enen arfpacht ene hoeve veens van sestien morghen die Claymans^c Scibbiers was, legghende op den Niewen vene in onse gherechte tuischen Noitdorp^d ende Willaems^e vene, omme tien scellinghe Hollands^f sjaers, te betalen alle jare tote Voerscoter^g market, in manieren dat hi noch sine nachomelinghe in desen vene niet delven en sullen; ende so wilke tijd dat si daer in dolve, zo^h souden sijs pachts quite wesen ende die vene weder vriliken an ons comen.

In orkonde etc. Ghegheven in die Haghe des satersdaghes na sente Margrietenⁱ dach int jaer ons Heren M CCC ende^j XXX