Registers van de Hollandse grafelijkheid 1299-1345

Graaf Willem III beslecht het geschil tussen proost en convent van Koningsveld enerzijds en schepenen en Raad van de poort van Delft anderzijds vanwege het bestuur van het gasthuis te Delft en de jaarlijkse afdracht door het gasthuis van 4 pond Hollands en 15 hoenderen aan het klooster.

Vgl. nr. NH 446.

Wi Willaem^a grave etc. maken kond etc. dat wi van den twy die es tusken den proist ende tghemene convent van ^b Coninxvelt^c op dene zide ende scepene ende Raed van onser porte van Delf op dander zide alse om tberecht van den ghasthuse van Delf, dat onse ouders ghesticht hebben, ende om^d vier pond Hollands^e sjaers ende omme vijftien hoenre die tgoidshuys van Coninxvelt voirs. te hebben pleghen^f uten ghasthuse vorscreven, met onsen ghemenen Rade over een ghedraghen zien ende willen dat dat ghasthuys voirs. jaerlix gheve den goitshuse van Coninxvelt ^g vier pond Hollands^h ende vijftien hoenre alst tote deser tijd toe ghedaen heft; vort dat die scepene ende Raed van Delf jaerlix twie manne setten die dat ghasthuys ende des gasthuys goid berechten, ende dat die proist van Coninxvelt met dien twien jaerlix enen broeder of eene zuster die slotele van den huse bevelen ende dat berecht dat daer toe behoirt van den huyse, ende dat die drie teinden jare rekeninghe doen int ghasthuys voir den proist ende voir die scepene ende den Raed diere toe comen als die proist die rekeninghe leyd tusken Bamisseⁱ ende Alre heylighen misse^j alle jare; ende niement provende daer in te hebben hine hebbe een teyken van den abijt, est broeder of zuster, ende die zullen ontfaen bi hore zielen die proist ende die raeds man van der porte ende die twie uytmeysters vorscreven na dien dat hem denket dat des ghasthuys oirbaer es, ende die zal die proist cleden ende corrigeren als zi mesdoen na der correxi van der ordene; ende die cledere zullen wesen van des ghasthuys lakene^k datter die uytmeysters voirscreven toe gheven, ende die^l cost die daer toe behoirt zullen die ^m uytmeysters doen alsoe groitⁿ ende alsoe cleyne als hem selven goid denket^o ende dien ghelden van sghasthuys weghen; ende die proist en zal anders ghienen oirbaer noch scade hebben van des ghasthuys goide danne voirscreven es. Ende alle stucken voir screven toit onsen verclairsen, ende sonder archlist.

In oirkonde etc. Ghegheven in die Haghe des dinxendaghes na sinte Margarieten^p dach int jaer ons Heren^q M^o CCC^o ende XXX^o.